მონიტორინგი

ტუბერკულოზი (TB)

  • პაციენტების მკურნალობის დროს უმჯობესია მათი მონიტორინგი. პირდაპირი დაკვირვების ქვეშ თერაპია რეკომენდებულია აივ-ის პარალელურად ტუბერკულოზის მქონე ყველა პაციენტში.

  • ყოველთვიურად პაციენტის შემდგომი მეთვალყურეობა მოიცავს კლინიკურ, ბაქტერიოლოგიურ და პერიოდულ ლაბორატორიულ და რადიოგრაფიულ შეფასებას, რაც აუციელებლია მკურნალობის წარმატების უზრუნველსაყოფად.

  • ყველა პაციენტისთვის რეკომენდებულია: ღვიძლის ფუნქციური სინჯი (LFTs) (ამინოტრანსფერაზები, ბილირუბინი და ტუტე ფოსფატაზა) და თირკმლის ფუნქცია (შრატის კრეატინინი), სისხლის საერთო ანალიზი (FBC) ლეიკოციტური ფორმულით და CD4 უჯრედების რაოდენობის შემოწმება.

  • პულმონური ტუბერკულოზის მქონე პაციენტებისთვის, უნდა შესრულდეს სულ მცირე ერთი ნახველის ნიმუში მჟავაგამძლე ბაცილაზე და მიკობაქტერიული კულტურისთვის ყოველთვიურად, სანამ 2 თანმიმდევრული ნიმუშის კულტურა უარყოფითი არ იქნება. ნახველის ნიმუში უნდა შეგროვდეს მკურნალობიდან 8 კვირის შემდეგ და ამ ინფორმაციით გადაწყდეს გაგრძელების ფაზის ხანგრძლივობა.[199]​

დისემინირებული დაავადება Mycobacterium avium complex (MAC)

  • პაციენტებში, რომელთა საწყის მკურნალობის რეჟიმზე კლინიკური პასუხი წარუმატებელი იყო, თერაპიის დაწყებიდან 4-8 კვირის განმავლობაში სისხლის კულტურა უნდა შეგროვდეს განმეორებით. ​[1]​​

Pneumocystis jirovecii-ით გამოწვეული პნევმონია

  • მკურნალობის დროს ფრთხილი მონიტორინგი მნიშნველოვანია მკურნალობაზე პასუხის შესაფასებლად და ტოქსიკურობის რაც შეიძლება ადრე დასადგენად.

  • თერაპიის შემდეგ მეთვალყურეობა რეკომენდებულია, განსაკუთრებით მაშინ, როდესაც თერაპია ჩატარდა ტრიმეთოპრიმ/სულფამეთოქსაზოლისგან განსხვავებული აგენტით, ან შემცირდა ტოქსიკურობის გამო.[1]

ტოქსოპლაზმოზი

  • უნდა მოხდეს პაციენტების მონიტორინგი გვერდითი შემთხვევებისა და კლინიკური და რადიოლოგიური გაუმჯობესებისთვის.[1]

კრიპტოკოკული მენინგიტი

  • მკურნალობის დროს საჭიროა პაციენტების ინტენსიური მეთვალყურეობა.

  • მომატებული ინტრაკრანიული წნევის ნებისმიერი ნევროლოგიური ნიშანი, ეს იქნება კონფუზია, დაბურული მხედველობა, მხედველობის ნერვის დისკოს შეშუპება თუ ქვემო კიდურის კლონუსი, იმართება ისეთი მიდგომების გამოყენებით, რაც შეამცირებს ქალასშდა წნევას ლუმბალური პუნქციით. მკურნალობიდან 2 კვირაში, თავზურგტვინის სითხიდან სითხის ალაგების დასადასტურებლად, განმეორებით უნდა შესრულდეს ლუმბალური პუნქცია.

  • ღვიძლის ფუნქციის სინჯის (ფლუკონაზოლი) თირკმლის ფუნქციის და ელექტროლიტების (ამფოტერიცინი) მონიტორინგი მკურნალობის განმავლობაში.[1]

ციტომეგალოვირუსი

  • პაციენტებს რეგულარულად უნდა ჩაუტარდეთ ოფთალმოლოგიური შემდგომი მეთვალყურეობა, რადგან იმუნიტეტის აღდგენის შემდეგ შესაძლოა რეტინიტის რეციდივი განვითარდეს მაშინაც კი, როცა CD4 უჯრედების რაოდენობა 1250 უჯრედი/მიკროლიტრშია.[256] დილატირებულ გუგაზე არაპირდაპირი ოფთალმოლოგით მონიტორინგი უნდა შესრულდეს ციტომეგალოვირუსული რეტინიტის დიაგნოზის დროს, ინდუცირებადი თერაპიის დასრულების შემდეგ და თერაპიის დაწყებიდან 1 თვეში და ამის შემდეგ ყოველთვიურად, იმ დროის განმავლობაში როდესაც პაციენტი ანტიციტომეგალოვირუსულ მკურნალობაზეა. ოფთალმოლოგიური მეთვალყურეობა შესაძლოა შემცირდეს ყოველ 3 თვემდე იმ პაციენტებისთვის, რომლებსაც აღუდგათ იმუნიტეტი.[257]

  • სისხლის საერთო ანალიზის, თირკმლის ფუნქციისა და სისხლის შრატის ელექტროლიტების მონიტორინგი უნდა მოხდეს მკურნალობის დაწყებიდან კვირაში ორჯერ და კვირაში ერთხელ პაციენტებში, რომლებიც იღებს განციკლოვირს ან ფოსკარნეტს.[1]

კოკციდიოიდომიკოზი

  • შემდგომი მეთვალყურეობა შესაძლოა საჭირო გახდეს მთელი სიცოცხლის განმავლობაში. იმ პაციენტებისთვის, რომლებიც წყვეტენ მკურნალობას, მორეციდივე ინფექციის დეტექციისთვის მნიშვნელოვანია შემდგომი მეთვალყურეობა.

ამ მასალის გამოყენება ექვემდებარება ჩვენს განცხადებას