მონიტორინგი
ციროზით დაავადებულ პაციენტებს უნდა ჩაუტარდეთ მონიტორინგი ყოველ 6-12 თვეში ლაბორატორიული ტესტებით (თირკმლის ფუნქცია / ელექტროლიტები, ღვიძლის ფუნქციის ტესტები, ალბუმინი, სისხლის საერთო ანალიზი, პროთრომბინის დრო, ალფა-ფეტოპროტეინი) და ვიზუალიზაციის კვლევები (6 თვეში ერთხელ მუცლის ღრუს ექოსკოპია), რათა შემოწმდეს:
ღვიძლის შორსწასული დაავადების ნიშნები და სიმპტომები
დაავადების პროგრესირება
პორტული ჰიპერტენზიის ისეთი გართულებების განვითარება, როგორიცაა ასციტები, ღვიძლის ენცეფალოპათია, სიყვითლე და ვარიკოზული სისხლდენა.
ციროზის მქონე ყველა პაციენტს, განსაკუთრებით მათ, ვისაც აღენიშნება ვირუსული ჰეპატიტი (B და C ტიპის), ალკოჰოლთან დაკავშირებული ღვიძლის დაავადება და ჰემოქრომატოზი, არიან ჰეპატოცელულარული კარცინომის განვითარების მაღალი რისკის ქვეშ და უნდა გაიარონ მეთვალყურეობა ულტრაბგერით ყოველ 6 თვეში, ალფა-ფეტოპროტეინით ან მის გარეშე.[135] კლინიკურ პრაქტიკაში, კომპიუტერული ტომოგრაფია (კტ) გამოიყენება, როგორც მეორე რიგის დიაგნოსტიკური გამოსახულების მეთოდი. თუმცა, ის შეიძლება ნაკლებად ზუსტი იყოს ჰეპატოცელულური კარცინომის (HCC) გამოსარიცხად; ერთმა მეტა-ანალიზმა გვიჩვენა, რომ თუ კტ გამოიყენება HCC ნებისმიერი ზომისა და სტადიის დასადგენად, HCC-ს მქონე პაციენტების 22.5% გამოტოვებულ იქნება, და 8.7% HCC-ს გარეშე, მიიღებს არასაჭირო მკურნალობას. თუმცა, ყველა ჩართული კვლევა მიიჩნიეს სისტემური ცდომილების მაღალი რისკის ქვეშ, რაც ზღუდავს ავტორების შესაძლებლობას, ამ შდეგების საფუძველზე დამაჯერებლად გამოიტანონ დასკვნები.[141]
ამ მასალის გამოყენება ექვემდებარება ჩვენს განცხადებას