კვლევები
ენდეთ მითითებებს
ebpracticenet პრიორიტეტი მიანიჭეთ ჩამოთვლილ ადგილობრივ გაიდლაინებს:
Diabetes Mellitus Type 2ავტორი: Domus Medica | SSMGბოლო გამოქვეყნება: 2017Diabète sucré de type 2ავტორი: SSMG | Domus Medicaბოლო გამოქვეყნება: 20171-ად შესაკვეთი გამოკვლევები
უზმოზე პლაზმაში გლუკოზის განსაზღვრა
ტესტი
შეუკვეთეთ საკვების ბოლო მიღებიდან მინიმუმ 8 საათის შემდეგ. გაითვალისწინეთ, რომ უმეტეს შემთხვევაში დიაგნოზის დასადგენად საჭიროა განმეორებითი დამადასტურებელი ტესტი, გარდა მძიმე სიმპტომური შემთხვევებისა.
შედეგი
≥7.0 მმოლ/ლ (≥126 მგ/დლ)
HbA1c
ტესტი
შეესაბამება ჰიპერგლიკემიის ხარისხს წინა სამი თვის განმავლობაში.
გაითვალისწინეთ, რომ უმეტეს შემთხვევაში დიაგნოზის დასადგენად საჭიროა განმეორებითი დამადასტურებელი ტესტი, გარდა მძიმე სიმპტომური შემთხვევებისა.
HbA1c ასევე გამოიყენება გლიკემიური კონტროლის მონიტორინგისთვის.
შედეგი
≥48 მმოლ/მოლზე (≥6.5%)
75 გ პერორალური გლუკოზით დატვირთვიდან 2 საათში გლუკოზა
ტესტი
პლაზმური გლუკოზა იზომება 75 გ პერორული გლუკოზის მიღებიდან 2 სთ-ში.
გაითვალისწინეთ, რომ უმეტეს შემთხვევაში დიაგნოზის დასადგენად საჭიროა განმეორებითი დამადასტურებელი ტესტი, გარდა მძიმე სიმპტომური შემთხვევებისა.
შედეგი
>11.1 მმოლ/ლ (≥200 მგ/დლ)
რანდომულ ნიმუშში პლაზმაში გლუკოზა
ტესტი
ტესტი არა-უზმოზე. გაითვალისწინეთ, რომ უმეტეს შემთხვევაში დიაგნოზის დასადგენად საჭიროა განმეორებითი დამადასტურებელი ტესტი, გარდა მძიმე სიმპტომური შემთხვევებისა.
გამოიყენება გლუკოზის სტატუსის სწრაფი შეფასებისთვის, თუ არსებობს ისეთი სიმპტომები, როგორიცაა პოლიურია, პოლიდიფსია ან წონის დაკლება.
შედეგი
>11.1 მმოლ/ლ (≥200 მგ/დლ)
გასათვალისწინებელი კვლევები
ლიპიდური პროფილი უზმოზზე
ტესტი
მე-2 ტიპის დიაბეტის დროს ხშირია დისლიპიდემია.
შედეგი
შეიძლება გამოავლინოს მაღალი LDL, დაბალი HDL, ან/და ტრიგლიცერიდების მაღალი დონე.
კეტონები შარდში
ტესტი
შეამოწმეთ შარდის კეტონები დიაგნოზის დროს, თუ პაციენტს აღენიშნება ჰიპერგლიკემია (პოლიურია, პოლიდიფსია, სისუსტე) და მოცულობის შემცირება (ლორწოვანი გარსების სიმშრალე, კანის ცუდი ტურგორი, ტაქიკარდია, ჰიპოტენზია და მძიმე შემთხვევებში შოკი). განაგრძეთ მონიტორინგი დაავადების სრული კურსის განმავლობაში.
თუ კეტონების მომატებულ რაოდენობას დროულად არ უმკურნალეთ, შესაძლოა განვითარდეს პროგრესირებადი დეჰიდრატაცია და დიაბეტური კეტოაციდოზი. დიაბეტური კეტოაციდოზი არის დიაბეტის მძიმე, სიცოცხლისათვის საშიში გართულება. უფრო ხშირად ვლინდება 1-ლი ტიპის დიაბეტის მქონე პირებში, შეიძლება ასევე გამოვლინდეს მე-2 ტიპის დიაბეტის მქონე პირებში, განსაკუთრებით ინფექციის (ან სხვა სტრესორების) არსებობისას ან გულ-სისხლძარღვთა მოვლენების, ავთვისებიანი სიმსივნეების, ანტიფსიქოზური მედიკამენტების და ნატრიუმის და გლუკოზის კოტრანსპორტერი-2 (SGLT2) ინჰიბიტორებით მკურნალობის დროს.[71][72][73][74]
იხილეთ ჩვენი თემა "დიაბეტური კეტოაციდოზი".
შედეგი
დადებითია კეტოაციდოზის შემთხვევებში
ალბუმინი კრეატინინის თანაფარდობა (ACR)
ტესტი
მიუთითებს ნეფროპათიაზე და სხვა შესაძლო მიკროსისხლძარღვოვან დაზიანებაზე.
ტარდება ყოველწლიური მონიტორინგი.[34]
შეიძლება შეფასდეს შარდის შემთხვევითი ნიმუშით.[34]
შედეგი
შეიძლება იყოს მომატებული; შარდში ალბუმინისა და კრეატინინის თანაფარდობა ≥3 მგ/მმოლი მიუთითებს კლინიკურად მნიშვნელოვან პროტეინურიაზე[84]
შრატის კრეატინინმა და შეფასებულმა GFR-მა
ტესტი
GFR გამოითვლება თირკმლის ქრონიკული დაავადების ეპიდემიოლოგიის თანამშრომლობის (CKD-EPI) ან თირკმლის დაავადების დროს დიეტის მოდიფიკციის (MDRD) ფორმულების მიხედვით CKD-EPI ფორმულა ამჟამად რეკომენდირებულია თირკმლის დაავადების შედეგების ხარისხის ინიციატივის (KDOQI) მიერ, რამდენადაც ის არ უშვებს ცდომილებას უფრო მაღალი დონეების შემთხვევაში, რაც სრული სპექტრის ფარგლებში ანგარიშგების საშუალებას იძლევა. [ გორგლოვანი ფილტრაციის სიჩქარის შეფასება CKD-EPI განტოლებით Opens in new window ]
შედეგი
შეიძლება უჩვენოს თირკმლის უკმარისობა
ელექტროკარდიოგრამა
ტესტი
საწყისი (ბაზისური) შეფასება. ნორმალური ეკგ არ გამორიცხავს კორონარული არტერიების დაავადებას. მოსვენებისას პათოლოგიური ეკგ შეიძლება საჭიროებდეს გულის დამატებით გამოკვლევებს.[34]
შედეგი
შეიძლება მიანიშნებდეს ადრე არსებულ იშემიაზე
კოჭ-მხრის წნევის ინდექსი (ABPI)
ტესტი
არა-ინვაზიური ინსტრუმენტი, პერიფერიული არტერიული დაავადების (PAD) დასაფიქსირებლად, რომელიც ხასიათდება მაღალი პრევალენტობით დიაბეტიან პირებში. დიდი ბრიტანეთის ჯანდაცვის და სამედიცინო დახმარების დახელოვნების ეროვნული ინსტიტუტი მხარს უჭერს მის გამოყენებას შესაძლო პერიფერიული არტერიული დაავადების სადიაგნოსტიკოდ.[85]
პერიფერიული სისხლძარღვების ათეროსკლეროზული დაავადების შედეგად არტერიების კალციფიკაციის პოტენციალის გამო (რომელიც არასწორად ამაღლებს კოჭ-მხრის ინდექსს), ფეხის თითებზე წნევის ტესტირება ხშირად კეთდება, კოჭ-მხრის წნევის ინდექსის ტესტის დანამატის სახით. კოჭ-მხრის წნევის ინდექსის ნორმალური მაჩვენებელია 1.0; ფეხის თითის წნევის ნორმალური მაჩვენებელია 0.7/ არ გამორიცხოთ პერიფერიული არტერიების დაავადების დიაგნოზი დიაბეტის მქონე ადამიანებში ნორმალური ან მომატებული კოჭ-მხრის წნევის ინდექსის საფუძველზე.[85]
შედეგი
≤0.9 არ არის ნორმაში
C-პეპტიდი რანდომულად
ტესტი
შრატში C-პეპტიდის რუტინული გაზომვა არ უნდა იქნას გამოყენებული 1 ტიპის დიაგნოზის დასადასტურებლად; თუმცა, თუ დიაბეტის სპეციფიკური აუტოანტისხეულების ტესტი უარყოფითია, ან თუ დიაბეტის კლასიფიკაცია გაურკვეველი რჩება შემდგომი ვიზიტის დროს, შრატში C-პეპტიდის გაზომვა შეიძლება განიხილებოდეს.[75]
თუ C-პეპტიდის გაზომვა ნაჩვენებია, გახსოვდეთ, რომ ტესტის დისკრიმინაციული ძალა უკეთესია რაც მეტი დრო გავა თავდაპირველი სიმპტომებიდან.[75]
კლინიკურ პრაქტიკაში, შრატში C- პეპტიდის ტესტირება შეიძლება გაკეთდეს სისხლში გლუკოზის ტესტირების პარალელურად.[75]
შედეგი
ნორმა ან მაღალი
აუტოანტისხეულების ტესტირება
ტესტი
თუ პაციენტს დაუსვეს ტიპი 2 დიაბეტის საწყისი დიაგნოზი, მაგრამ პერორალური მედიკამენტების მიღების მიუხედავად აქვს HbA1c მუდმივი/მნიშვნელოვნად მომატებული ან აქვს მუდმივი ოსმოსური სიმპტომები/წონის დაკლება, განიხილეთ აუტოანტისხეულების ტესტირება, რადგან პაციენტს შეიძლება ჰქონდეს 1-ლი ტიპის დიაბეტი. ამ პაციენტს შეიძლება ჰქონდეს მეორე ტიპის დიაბეტის არასწორი დიაგნოზი.
დიაბეტის სპეციფიკური აუტოანტისხეულები რეგულარულად იზომება პირველი ტიპის დიაბეტის საწყისი დიაგნოზის მქონე ზრდასრულებში იმის გათვალისწინებით, რომ დიაბეტის სპეციფიკური აუტოანტისხეულების ტესტების ცრუ უარყოფითი მაჩვენებელი ყველაზე დაბალია დიაგნოზის დროს და რომ ცრუ უარყოფითი მაჩვენებელი შეიძლება შემცირდეს განმეორებითი რაოდენობრივი ტესტებით 2 სხვადასხვა დიაბეტის სპეციფიკური აუტოანტისხეულისთვის (მინიმუმ 1 მაინც დადებითია).
აუტოანტისხეულები გლუტამატის დეკარბოქილაზას 65 (GAD), პანკრეასის კუნძულების უჯრედული ანტისხეულების (ICA), ინსულინის, თიროზინ ფოსფატაზასთან დაკავშირებული კუნძულოვანი ანტიგენ 2-ის (IA-2, IA-2 ბეტა) და თუთიის ტრანსპორტერი 8-ის (ZnT8) წინააღმდეგ გვეხმარება იმუნურად გაშუალებული დიაბეტის დიაგნოსტირებაში. თუმცა, ეს ანტისხეულები დროთა განმავლობაში იკლებს, ავადმყოფობის დაწყების შემდეგ.[34][76][77][78]
შედეგი
ნეგატიური
ღვიძლის ფუნქციური სინჯები
ტესტი
შეიძლება გამოავლინოს ღვიძლის არაალკოჰოლური ცხიმოვანი დაავადების მქონე პაციენტები. ითვლება, რომ ღვიძლის არაალკოჰოლური ცხიმოვანი დაავადების პრევალენტობა ტიპი 2 დიაბეტის მქონე ადამიანებში შეადგენს 40%-დან 70%-მდე.[86]
შედეგი
შეიძლება მომატებული იყოს
ამ მასალის გამოყენება ექვემდებარება ჩვენს განცხადებას