მძიმე მწვავე რესპირატორული სინდრომი (SARS)

ჯანმრთელობის მსოფლიო ორგანიზაციის (WHO) მძიმე მწვავე რესპირაციული სინდრომის შემთხვევის განმარტება ეპიდემიის შემდგომ პერიოდში[29]World Health Organization: global alert and response (GAR). Alert, verification and public health management of SARS in the post-outbreak period. August 2003 [internet publication]. https://www.who.int/publications/m/item/alert-verification-and-public-health-management-of-sars-in-the-post-outbreak-period

კლინიკური შემთხვევების დასადასტურებლად საჭიროა ყველა ქვემოთ ჩამოთვლილი:

• ცხელება(≥ 38°C [100.4°F])

• ქვედა სასუნთქი გზების დაავადების ერთი ან მეტი სიმპტომი: ხველა, სუნთქვის გაძნელება, ქოშინი

• პნევმონიის, ან რესპირატორული დისტრეს სინდრომის დამადასტურებელი ფილტვის ინფილტრატების რადიოლოგიური მტკიცებულება

• არც ერთი სხვა ალტერნატიული დიაგნოზით დაავადების ბოლომდე ახსნა არაა შესაძლებელი.

შემთხვევის ლაბორატორული დადასტურება:

• SARS-CoV-ის დადებითი ლაბორატორიული მაჩვენებლები ქვემოთ ჩამოთვლილი დიაგნოსტიკური კრიტერიუმებიდან რომელიმეს ან ორივეს საფუძველზე:

  • პოლიმერაზული ჯაჭვური რეაქცია დადებითია სულ მცირე ორი სხვადასხვა კლინიკური სინჯის ანალიზით ან დაავადების მიმდინარეობის პერიოდში ორჯერ, ან მეტჯერ აღებული ერთი სინჯის გამოკვლევისას.

  • სეროკონვერსია მწვავე და გამოჯანმრთელების პერიოდებს შორის სისხლის შრატის და ვირუსის გამოყოფით

დაავადებათა კონტროლისა და პრევენციის ცენტრმა (CDC) განაახლა მძიმე მწვავე რესპირაციული სინდრომის შემთხვევების შუალედური განმარტება[21]Centers for Disease Control and Prevention. Public health guidance for community-level preparedness and response to severe acute respiratory syndrome (SARS) version 2. Supplement B: SARS surveillance. Appendix B1: revised CSTE SARS surveillance case definition. May 2005 [internet publication]. http://www.cdc.gov/sars/guidance/B-surveillance/app1.html

კლინიკური კრიტერიუმი

• ახლო წარსულში რესპირატორული ავადმყოფობა

  • ორი, ან მეტი ქვემოთ ჩამოთვლილი სიმპტომი: ცხელება, შემცივნება, კანკალი, მიალგია, თავის ტკივილი, ფაღარათი, ყელის ტკივილი, ცხვირწყალი.

• სუსტი ან ზომიერი რესპირატორული ავადმყოფობა

  • ცხელება (≥38°C [100,4°F]) და დამატებით ქვედა სასუნთქი გზების დაავადების ერთი ან მეტი სიმპტომი: ხველა, ქოშინი, სუნთქვის გაძნელება.

• მძიმე რესპირატორული ავადმყოფობა

  • ზომიერი, ან მძიმე რესპირატორული ავადმყოფობა პლუს ფილტვის ინფილტრაციის რადიოლოგიური მტკიცებულებები, რაც შეესაბამება პნევმონიას, ან მძიმე მწვავე რესპირაციული სინდრომს.

ეპიდემიოლოგიური კრიტერიუმები

• ანამნეზში საზღვარგარეთ, ან ქვეყანის იმ რეგიონში მოგზაზურობა, რომლებში დასაბუთებულად ან სავარაუდოდ მოხდა SARS გადადება, ახლანდელი მოგზაურობა სიმპტომების გამოვლინებიდან 10 დღის განმავლობაში; ან

• დადასტურებული ან სავარაუდო SARS მქონე პირთან ახლო კონტაქტი.

ლაბორატორიული კრიტერიუმები

• შრატში SARS-CoV ანტისხეულების გამოვლენა; ან

• SARS-CoV უჯრედული კულტურის გამოცალკევება კლინიკურ პრეპარატში; ან

• SARS-CoV რნმ გამოვლენა დადებითი უკუტრანსკრიპტაზის პოლიმერაზული ჯაჭვური რეაქციის (RT-PCR) მეშვეობით რეფერალურ ლაბორატორიაში შემდგომი დადასტურებით.

SARS-CoV სავარაუდო შემთხვევა

• პაციენტს აღენიშნება მძიმე რესპირატორული ავადმყოფობისთვის დამახასიათებელი კლინიკური მონაცემები და SARS-CoV ზემოქმედების ეპიდემიოლოგიური კრიტერიუმი.

SARS-CoV დადასტურებული შემთხვევა

• პაციენტს აქვს კლინიკურად მსგავსი რესპირატორული ავადმყოფობა(ადრეული, მსუბუქი, ზომიერი, ან მძიმე), რაც დასტურდება ლაბორატორიულად.