მონიტორინგი

აშშ-ის გაიდლაინებით რეკომენდებულია 4.0-5.4 სმ დიამეტრის ინფრა-იუქსტარენული მუცლის აორტის ანევრიზმის შემთხვევაში ულტრასონოგრაფიით/კომპიუტერული ტომოგრაფიით მონიტორინგი ყოველ 6-12 თვეში.[4]4,5 სმ-ზე მეტი დიამეტრი ქალებში და 5 სმ-ზე დიამეტრი მამაკაცებში, ამ შემთხვევაში გაიდლაინის რეკომენდაციით მეთვალყურეობა უნდა მოხდეს ყოველ 6 თვეში.[4]მუცლის აორტის ანევრიზმა AAA < 3,9 სმ საჭიროებს ულტრასონოგრაფიას ყოველ 2-3 წელიწადში.[4]რადიოლოგიის ამერიკული კოლეჯი გვირჩევს, რომ ფერადი დუპლექსის დოპლერის ულტრაბგერა, მუცლისა და მენჯის CT კონტრასტით და მაგნიტურ-რეზონანსული ანგიოგრაფია (MRA) არის ყველა შესაბამისი გამოსახულების მოდალობა ასიმპტომური AAA-ს მქონე პაციენტების მეთვალყურეობისთვის.[4][289]ასევე არსებობს მტკიცებულება იმისა, რომ ფერადი დუპლექს დოპლერის ულტრაბგერა შეიძლება იყოს ისეთივე მგრძნობიარე, როგორც CT, EVAR-ის შემდგომ გაჟონვის გამოსავლენად და შეიძლება გამოყენებულ იქნას როგორც უსაფრთხო და ეფექტური ალტერნატივა, რომელიც თავიდან აიცილებს პაციენტებს შემდგომ რადიაციაზე.[290][291][292]

დიდ ბრიტანეთში მცირე ზომის ანევრიზმების დროს (3.0-4.4 სმ) იყენებენ ერთწლიან ინტერვალს, ხოლო 4.5-5.4 სმ შემთხვევაში ყოველ 3 თვეში ერთხელ კეთდება კვლევა.[128]​

ერთი სისტემური მიმოხილვისა და პაციენტების მონაცემების მეტა-ანალიზის დასკვნის მიხედვით, 2-წლიანი სკრინინგ-ინტერვალი 3.0-4.4 სმ დიამეტრის, ხოლო 6-თვიანი ინტერვალი 4.5-5.4 სმ დიამეტრის მუცლის აორტის ანევრიზმისთვის უსაფრთხო და ხარჯთეფექტურია.[104]

მუცლის აორტის ანევრიზმის ზრდისა და გაგლეჯის სიხშირის ანალიზით დადგინდა, რომ გაგლეჯის რისკის <1% შესანარჩუნებლად, საჭიროა 8.5-წლიანი სკრინინგ-ინტერვალი მამაკაცებში, რომელთა ანევრიზმის საწყისი ზომაც იყო 3.0 სმ.[104] თუ მამაკაცებში ანევრიზმის თავდაპირველი დიამეტრი არის 5.0 სმ, შემდგომი მეთვალყურეობის ინტერვალი შეადგენს 17 თვეს. ანევრიზმის ზრდის სიჩქარის იდენტურობის მიუხედავად, გაგლეჯის სიხშირე 4-ჯერ მეტი იყო ქალებში, ვიდრე მამაკაცებში.[104] მეთვალყურეობის პროგრამები და ოპერაციული ჩარევის კრიტერიუმები საჭიროა მოერგოს ქალებსაც, რომლებშიც შემთხვევით გამოვლინდა მუცლის აორტის ანევრიზმა.

ჩარევის შემდგომი პერიოდი

აშშ-ის სისხლძარღვთა ქირურგიის საზოგადოება რეკომენდაციას უწევს საბაზისო მეთვალყურეობას კონტრასტით გაძლიერებული კომპიუტერული ტომოგრაფიით და ფერადი დუპლექს სონოგრაფიით ენდოვასკულური ანევრიზმის შეკეთბიდან 1-ლი თვის ფარგლებში.[4][78][212]თუ არ ვლინდება ენდოგაჟონვა ან ანევრიზმის ზრდა, რადიოლოგიური კვლევები რეკომენდებულია 12 თვეში კონტრასტული CT ან ფერადი დუპლექს-ულტრაბგერით.[4][78]​​

ღია ქირურგიული ჩარევის ან EVAR-ის შემდეგ რეკომენდებულია 5-წლიანი ინტერვალებით მონიტორინგი არაკონტრასტული კომპიუტერული ტომოგრაფიის საშუალებით.[4][78]

სისხლძარღვთა ქირურგიის ევროპული საზოგადოება რეკომენდაციას უწევს კომპიუტერული ტომოგრაფიული ანგიოგრაფიის (CTA) ჩატარებას ყველა პაციენტში და ჩვეულებრივ რენტგენოგრაფიას თავდაპირველი პროცედურიდან 30 დღეში.[9] თუ ფიქსირდება ენდოგაჟონვა, CTA მოწოდებულია 6 თვეზე და 12 თვეზე, ჩვეულებრივი რენტგენის თანხლებით. თუ პაციენტს არ აქვს ადრეული ენდოგაჟონვა და გრაფტი კარგ პოზიციაშია, შეიძლება გამოვტოვოთ CTA მე-6 თვეზე, თუმცა 12-ე თვეს აუცილებელია CTA და რენტგენოლოგიური კვლევა. თუ ენდოგაჟონვა არ აღინიშნება და ანევრიზმა სტაბილურია/ზომაში იკლებს, რეკომენდებულია ყოველწიური დუპლექს-ულტრასონოგრაფია ჩვეულებრივი რენტგენით.[9]

ქალები უფრო მეტი რისკის ქვეშ არიან პოსტოპერაციული გართულებების (კიდურის იშემია, თირკმლის და გულ-სისხლძარღვთა გართულებები) და სიკვდილიანობა (საავადმყოფოში და 30-დღიანი), ვიდრე მამაკაცები; მკაცრი გრძელვადიანი მეთვალყურეობა აუცილებელია ქალ პაციენტებში, რომლებიც გადიან AAA-ს რემონტს.[159]

გრაფტის ინფექციის ანტიბიოტიკებით პროფილაქტიკა ნაჩვენებია ბრონქოსკოპიის, გასტროინტესტინური ან გენიტოურინული ენდოსკოპიის წინ, და ნებისმიერი სტომატოლოგიური პროცედურის წინ, რომელმაც შეიძლება გამოიწვიოს სისხლდენა.[78]

გენერალიზებული სეფსისი, საზარდულის დრენაჟი, ფსევდოანევრიზმის ფორმირება ან გაურკვეველი ტკივილი ღია ოპერაციის ან EVAR-ის შემდეგ მიუთითებს გრაფტის ინფექციის შეფასების საჭიროებაზე,[78] ღია წესით ოპერაციის ან EVAR-ის შემდეგ გასტროინტესტინური სისხლდენის შემთხვევაში, რეკომენდირებულია აორტო-ენტერული ფისტულის გამორიცხვა.[78]

ამ მასალის გამოყენება ექვემდებარება ჩვენს განცხადებას