პირველადი პრევენცია
კრიპტოკოკური პოლისაქარიდის ანტიგენის (CrAg) სკრინინგი და წინასწარი სოკოს საწინააღმდეგო თერაპია დადებით პირებში აუმჯობესებს გადარჩენადობას და ინვაზიური დაავადების პრევენციას.[30] ეს საკითხი ყველაზე დეტალურად შეისწავლეს REMSTART კვლევაში, რომლის ფარგლებშიც რანდომიზირდა 2000 პაციენტი აივ ინფექციით, რომელთა CD4 უჯრედების რაოდენობა იყო <200 უჯრედი/მმ³. ერთი ჯგუფი იღებდა სტანდარტულ მკურნალობას, ხოლო მეორე ექვემდებარებოდა სტანდარტულ მკურნალობას და CrAg სკრინინგს/დამყოლობის შემოწმებას.[31] კვლევის მეორე ჯგუფში აღინიშნა სიკვდილობის 28%-იანი ფარდობითი შემცირება.
ჯანდაცვის მსოფლიო ორგანიზაცია (WHO) და სხვა საერთაშორისო გაიდლაინები რეკომენდაციას უწევენ ყველა ზრდასრულის და მოზარდის სკრინინგს აივ ინფექციით და CD4უჯრედების რაოდენობით<100 უჯრედი/მმ³ ინიციალური ან განმეორებითი ანტირეტროვირუსული თერაპიის დაწყებამდე.[23][32] CrAg სკრინინგი ასევე განიხილება CD4 უჯრედების რაოდენობის უფრო მაღალი ზღურბლით <200 უჯრედი/მიკროლიტრი.[23] თუ პაციენტი CrAg-დადებითია, მაგრამ მენინგიტის ნიშნები და სიმპტომები არ აღინიშნება, რეკომენდებულია ემპირიული სოკოს საწინააღმდეგო თერაპია (ფლუკონაზოლი საწყისი, კონსოლიდაციის და შენარჩუნების რეჟიმების სახით). სკრინინგის და ემპირიული მკურნალობის სტრატეგია ხარჯთეფექტურია, რადგან თავიდან გვარიდებს ძვირადღირებული, ხანგრძლივი ჰოსპიტალიზაციის შემთხვევებს ფულმინანტური მენინგიტის ჩვენებით, რა დროსაც სიკვდილობა მაღალია.[33]
იმ პირობებში, სადაც ანტიგენის სკრინინგი მიუწვდომელია, WHO რეკომენდაციას უწევს ფლუკონაზოლის პირველადი პროფილაქტიკის დაწყებას ადამიანებში აივ ინფექციით და CD4 უჯრედების რაოდენობით <100 უჯრედი/მმ³ (ასევე შეიძლება განიხილებოდეს CD4 უჯრედების რაოდენობის უფრო მაღალი ზღურბლით <200 უჯრედი/მიკროლიტრი).[23]
შეერთებულ შტატებში, შრატის კრიპტოკოკული ანტიგენის (CrAg) რუტინული სკრინინგი რეკომენდებულია იმ ადამიანებისთვის, რომლებიც აკმაყოფილებენ შემდეგ კრიტერიუმებს:[20]
აივ-ის ახალი დიაგნოზი და
არ არსებობს მენინგიტის აშკარა კლინიკური ნიშნები და
CD4 რაოდენობა ≤100 უჯრედი/მმ³.
სკრინინგზე დადებითი პასუხის მქონე ადამიანებმა უნდა გაიარონ თავ-ზურგტვინის სითხის შეფასება ცენტრალური ნერვული სისტემის ინფექციაზე.[20]
მეორეული პრევენცია
კრიპტოკოკოზის მეორად პროფილაქტიკას მიეკუთვნება ქრონიკული შემანარჩუნებელი თერაპია ფლუკონაზოლით, როგორც პირველი რიგის პრეპარატი ინფექციის განმეორების პრევენციისთვის.[20][81] ეს შეიძლება შეწყდეს პაციენტებში, რომლებიც პასუხობენ ანტირეტროვირუსულ მკურნალობას (ART; ე.ი. CD4 უჯრედების რაოდენობრივი ანალიზი ≥100 უჯრედი/მმ³, ART-ზე გამოუცნობი ვირუსული დატვირთვები, მინიმუმ 1 წლიანი აზოლური ფუნგიციდური ქრონიკული შემანარჩუნებელი თერაპია კრიპტოკოკოზის წარმატებული მკურნალობის შემდეგ).[20] შემანარჩუნებელი თერაპია ხელახლა უნდა დაიწყოს, თუ CD4 უჯრედების რაოდენობა შემცირდება <100 უჯრედი/მმ³-მდე.[20]
ამ მასალის გამოყენება ექვემდებარება ჩვენს განცხადებას