ანამნეზი და გასინჯვა

ძირითადი დიაგნოსტიკური ფაქტორები

იშვიათი

ღამის ოფლიანობა

კლინიკური სიმპტომები ხშირად ბუნდოვანია, მაგრამ B სიმპტომების არსებობა (მოიცავს აუხსნელს: ცხელება [>38ºC (>100ºF)]; ღამის ოფლიანობა, რომელიც მოითხოვს ტანსაცმლის ან თეთრეულის გამოცვლას; და წონის დაკლება სხეულის წონის >10% 6 თვის განმავლობაში. დიაგნოზისთვის [ჰიპერმეტაბოლური მდგომარეობა]) მნიშვნელოვანია.

წონაში კლება

კლინიკური სიმპტომები ხშირად ბუნდოვანია, მაგრამ B სიმპტომების არსებობა (მოიცავს აუხსნელს: ცხელება [>38ºC (>100ºF)]; ღამის ოფლიანობა, რომელიც მოითხოვს ტანსაცმლის ან თეთრეულის გამოცვლას; და წონის დაკლება სხეულის წონის >10% 6 თვის განმავლობაში. დიაგნოზისთვის [ჰიპერმეტაბოლური მდგომარეობა]) მნიშვნელოვანია.

დაღლილობა/შეუძლოდ ყოფნა

ამის მიზეზი შეიძლება იყოს ანემია.

ცხელება

კლინიკური სიმპტომები ხშირად ბუნდოვანია, მაგრამ B სიმპტომების არსებობა (მოიცავს აუხსნელს: ცხელება [>38ºC (>100ºF)]; ღამის ოფლიანობა, რომელიც მოითხოვს ტანსაცმლის ან თეთრეულის გამოცვლას; და წონის დაკლება სხეულის წონის >10% 6 თვის განმავლობაში. დიაგნოზისთვის [ჰიპერმეტაბოლური მდგომარეობა]) მნიშვნელოვანია.

სხვა დიაგნოსტიკური ფაქტორები

ხშირი

ლიმფადენოპათია

შეიძლება წარმოდგენილი იყოს პერიფერული ლიმფადენოპათიით.

სპლენომეგალია

მარგინალური ზონის ლიმფომის შემთხვევაში შეიძლება იყოს მასიური. შეუძლია ელენთის ინფარქტის გამოწვევა.

იშვიათი

ჰეპატომეგალია.

ღვიძლის ლიმფოიდური უჯრედებით ინფილტრაციის გამო.

სუნთქვის გაძნელება

შეიძლება იყოს ფილტვის ჩართულობა ან პლევრის ჩართულობა (და შედეგად მიღებული პლევრის გამონაჟონი).

ხველა

მიზეზი შეიძლება იყოს შუასაყრის სიმსივნე და/ან ლიმფადენოპათია, ასევე-პნევმონია.

აბდომინალური დისკომფორტი

ჰეპატომეგალიის, სპლენომეგალიის, ლიმფადენოპათიის, ნაწლავების ჩართულობის, ნაწლავური ობსტრუქციის გამო.

თავისტკივილი

შეიძლება იყოს მენინგეალური ჩართულობით ან გაზრდილი ინტრაკრანიალური წნევა ცერებრალური შეშუპებით და ტვინის პარენქიმული ჩართულობით.

მენტალური სტატუსის ცვლილება

შეიძლება იყოს მენინგეალური ჩართულობა, ტვინის პარენქიმული ჩართულობა და/ან ასოცირებული ცერებრალური შეშუპება.

კეროვანი ნევროლოგიური დაზიანებები

მაგალითად ატაქსია, კოგნიტური ცვლილებები, ფოკალური სისუსტე. ცენტრალური ნერვული სისტემის შესაძლო ჩართულობა.

ტკივილ გულმკერდის არეში

ამის მიზეზი შეიძლება იყოს მწვავე ანემიით გამოწვეული გულის იშემია.

ძვლების ტკივილი, ზურგის ტკივილი (ძვლის ჩართულობის გამო)

ლიმფომის ძვლოვანი ან ეპიდურული შრის გზით გავრცელება.

სიყვითლე

ღვიძლის ინფილტრაციის და შემდგომი ღვიძლის უკმარისობის გამო.

სიფერმკრთალე

ანემიის გამო.

პურპურა (ჰემორაგიული გამონაყარი)

ამის მიზეზი შეიძლება იყოს თრომბოციტოპენია, ღვიძლის დაზიანებით გამოწვეული კოაგულაციური დარღვევები ან დისემინირებული სისხლძარღვშიგა შედედება.

კანის დაზიანებები

კანის არაჰოჯკინის ლიმფომას ძირითადად ახასიათებს კანის დაზიანებები; კანის ჩართულობა შეუძლიათ სხვა ტიპის არაჰოჯკინის ლიმფომებსაც. დაზიანება შეიძლება წარმოდგენილი იყოს კეროვანი ან ამობურცული ფოლაქების სახით. ზოგი მათგანი შეიძლება დაწყლულდეს. ხშირია ქავილი.

გასინჯვის დროს ნევროლოგიური პათოლოგიები

შეიძლება გამოწვეული იყოს ნერვული სისტემის ჩართულობით - პირდაპირი ინვაზიით ან მეტასტაზების მეშვეობით ან, იშვიათ შემთხვევაში, პარანეოპლაზიური ფენომენით. გასინჯვით მიღებული მონაცემები დამოკიდებულია ჩართულობის ადგილსა და ტიპზე.

მკერდის ტკივილი

შეიძლება მოხდეს პაციენტებში მკერდის იმპლანტის ჩართულობით (მკერდის იმპლანტთან ასოცირებული ანაპლასტიკური მსხვილუჯრედოვანი ლიმფომა).[70][71][72]

შეშუპება ან მასა მკერდში

შეიძლება მოხდეს პაციენტებში მკერდის იმპლანტის ჩართულობით (მკერდის იმპლანტთან ასოცირებული ანაპლასტიკური მსხვილუჯრედოვანი ლიმფომა [BIA-ALCL]).[70][71][72]

სარძევე ჯირკვლის იმპლანტანტების ირგვლივ შეშუპება (სერომა), რომელიც წარმოიქმნება იმპლანტაციის შემდეგ 1 წლის შემდეგ, ყველაზე ხშირი გამოვლინებაა BIA-ALCL-ის მქონე პაციენტებში.[70][71][72][73]

რისკფაქტორები

ძლიერი

ასაკი >50 წელი

NHL იშვიათია 50 წლამდე, მაგრამ სიხშირე იზრდება ასაკთან ერთად. დიაგნოსტიკის საშუალო ასაკი არის 68 წელი.[5]

მამრობითი სქესი

მამაკაცებს უფრო ხშირად ესმევათ NHL-ის დიაგნოზი, ვიდრე ქალებს (22,5 ახალი შემთხვევა 100,000-ზე, შესაბამისად 15,5 ახალი შემთხვევა 100,000-ზე).[5]

ეპშტეინ-ბარის ვირუსი

EBV ასოცირდება ბურკიტის ლიმფომასთან, აივ-თან დაკავშირებულ პირველად ცენტრალური ნერვული სისტემის ლიმფომასთან და ცხვირის ლიმფომასტან და ბუნებრივ მკვლელთან/T-უჯრედოვან ლიმფომასთან.[8][13][14]

ადამიანის T ლიმფოციტოტროპული ვირუსი-I (HTLV-1)

HTLV-1 ასოცირდება T-უჯრედოვან ლიმფომასთან[21]​

ადამიანის ჰერპესვირუსი-8 (კაპოშის სარკომასთან ასოცირებული ჰერპესვირუსი)

აივ-ინფიცირებულ პაციენტებში პირველადი ექსუდაციური/სხეულის ღრუს ლიმფომის ერთ-ერთი გამომწვევი აგენტია.[2]​

Helicobacter pylori

ერთმანეთთან ასოცირდებიან Helicobacter pylori და კუჭის MALT ლიმფომა.[20]

ცელიაკია

ენტეროპათიასთან ასოცირებული T-უჯრედოვანი ლიმფომა/ნაწლავის T-უჯრედოვანი ლიმფომა არის აგრესიული ლიმფომა, რომელიც დაკავშირებულია ცელიაკიასთან.[25]

აივ

ცენტრალური ნერვული სისტემის პირველადი ლიმფომა ხშირია აივ/შიდსის მქონე პაციენტებში.[13][43] ეტიოლოგია სავარაუდოდ დაკავშირებულია EBV-ის არაეფექტურ იმუნორეგულაციასთან.

C ჰეპატიტის ვირუსი (HCV)

HCV დაკავშირებულია ელენთის მარგინალური ზონის და დიფუზურ მსხვილუჯრედოვან B ლიმფომასთან.[15][16][44]

შოგრენის სინდრომი

მარგინალური ზონის ლიმფომა (MZL) და კუჭის ლორწოვანთან ასოცირებული ლიმფოიდური ქსოვილის (MALT) ლიმფომა დაკავშირებულია აუტოიმუნურ დარღვევებთან, როგორიცაა შაგრენის სინდრომი.[22][26][27]​

ვისკოტ-ოლდრიჩის სინდრომი

ასოცირდება თანდაყოლილ იმუნოდეფიციტურ სინდრომებთან.[30]

ატაქსია-ტელეანგიექტაზია

ასოცირდება თანდაყოლილ იმუნოდეფიციტურ სინდრომებთან.[31]

იმუნომოდულატორული პრეპარატების გამოყენება

სიმსივნის საწინააღმდეგო ნეკროზის ფაქტორის (ანტი-TNF) პრეპარატების გამოყენება (მაგ., ინფლიქსიმაბი, ადალიმუმაბი) დაკავშირებულია NHL-ის გაზრდილ რისკთან.[37]

სუსტი

ორგანოს გადანერგვა

ასოცირდება ორგანოს გადანერგვასთან.[28]

Borrelia burgdorferi-ისთვის

იყო ცნობები, რომლებიც აკავშირებდნენ Borrelia burgdorferi-ს ლორწოვანთან ასოცირებულ ლიმფოიდური ქსოვილის (MALT) ლიმფომასთან (კანის ტიპი).[17]

Coxiella burnetii

ასოცირებული B-უჯრედების NHL-თან.[18]

Chlamydia psittaci

Chlamydia psittaci დაკავშირებულია ლორწოვანთან ასოცირებულ ლიმფოიდური ქსოვილის (MALT) ლიმფომასთან, რომელიც წარმოიქმნება თვალის ადნექსიდან.[19]

რევმატოიდური ართრიტი

არსებობს ასოციაცია აუტოიმუნურ დარღვევებთან, როგორიცაა რევმატოიდული ართრიტი.[23][26]​​

სისტემური წითელი მგლურა (SLE)

არსებობს ასოციაცია აუტოიმუნურ დარღვევებთან, როგორიცაა SLE.[24][26]​​

გავრცელებული ცვლადი იმუნოდეფიციტი

ასოცირდება შეძენილ იმუნოდეფიციტურ მდგომარეობასთან.[29]

ჩედიაკ-ჰიგაშის სინდრომი

ასოცირდება თანდაყოლილ იმუნოდეფიციტურ სინდრომებთან.[32]

კლაინფელტერის სინდრომი

ასოცირდება თანდაყოლილ იმუნოდეფიციტურ სინდრომებთან.[33]

პესტიციდები

გარემო ფაქტორები, როგორიცაა პესტიციდების ზემოქმედება, ფერმერებში დაკავშირებულია NHL-თან.[34][36][45]

ფენოქსიჰერბიციდები

გარემო ფაქტორები, როგორიცაა ფენოქსიჰერბიციდების ზემოქმედება, ფერმერებში დაკავშირებულია NHL-თან.[35]

სარძევე ჯირკვლის იმპლანტანტები

სარძევე ჯირკვლის იმპლანტები (რეკონსტრუქცია ან გადიდება) დაკავშირებულია ანაპლასტიკური მსხვილუჯრედოვანი ლიმფომის (ALCL) გაზრდილ რისკთან.[38][39][40][10][12]​​​​ 2023 წლის ივნისის მონაცემებით, აშშ-ს სურსათისა და წამლების ადმინისტრაციამ გამოავლინა მკერდის იმპლანტთან ასოცირებული ALCL (BIA-ALCL) 1264 შემთხვევა მსოფლიოში, 63 დაკავშირებული სიკვდილით.[11]​​ BIA-ALCL-ის შემთხვევების უმეტესობა დაფიქსირდა ტექსტურირებული იმპლანტებით, მაგრამ იყო შეტყობინებები BIA-ALCL-ის შესახებ გლუვი ზედაპირის იმპლანტებით.[11]​​​​ საშუალო დრო იმპლანტიდან BIA-ALCL-ის დიაგნოზამდე არის 8 წელი.[11]

ამ მასალის გამოყენება ექვემდებარება ჩვენს განცხადებას