ახალი ტიპის მკურნალობა

ანტივირუსული მედიკამენტები

კოკრეინის მიმოხილვამ, რომელიც მოიცავდა 7 რანდომიზებულ კონტროლირებად კვლევას, 333 პაციენტის მონაწილეობით, აჩვენა, რომ ანტივირუსული პრეპარატების (მაგ., აციკლოვირის, ვალაციკლოვირის) ეფექტურობა ინფექციური მონონუკლეოზის დროს გაურკვეველი, ხოლო მტკიცებულებების ხარისხი ძალიან დაბალია. პაციენტებში, რომელთაც ჩაიტარეს ანტივირუსული მკურნალობა, აღინიშნა გამოჯანმრთელებისთვის საჭირო დროის გაუმჯობესება (5 დღით), მაგრამ შედეგი არ იყო ზუსტი და გაუმჯობესების მაჩვენებელიც ასევე არ იყო მკაფიოდ განსაზღვრული.[63] აციკლოვირი დროებით ამცირებს ვირუსის გამოყოფას პირ-ხახაში, თუმცა, მისი გამოყენება სასარგებლო არ არის დაავადების სიმპტომების უკუგანვითარების ან გართულებების შემცირების თვალსაზრისით.[64] მიუხედავად იმისა, რომ მძიმე EBV ინფექციების მართვისას ანტივირუსული პრეპარატების როლი საკამათოა, ინფექციის მძიმე ფორმის გამოვლინებების დროს ექიმებმა შესაძლოა განიხილონ მათი გამოყენება იმუნოკომპეტენტურ პაციენტებში, როგორც დამატებითი თერაპია კორტიკოსტეროიდებით მკურნალობასთან ერთად.[42][65] ასევე ტარდებოდა მცირე კვლევები და იყო ინფორმაცია მძიმე მწვავე IM-ის შემთხვევების წარმატებული მკურნალობის შესახებ ფოსკარნეტით (კომბინირებული პრედნიზოლონთან და ინტრავენურ იმუნოგლობულინთან), ვალაციკლოვირით, განციკლოვირით და ვალგანციკლოვირით.[66][67][68][69]

პიდოტიმოდი

საკვლევი სინთეზური დიპეპტიდის მოლეკულა იმუნოსტიმულატორული თვისებებით. წინასწარმა რანდომიზებულმა კონტროლირებადმა კვლევამ ბავშვებში აჩვენა, რომ პიდოტიმოდი ამცირებდა დროს გამოჯანმრთელებამდე: პაციენტთა დაახლოებით 90% გამოჯანმრთელდა 2 კვირის განმავლობაში, მაშინ როდესაც საკონტროლო ჯგუფიდან,დროის იგივე პერიდში გამოჯანმრთელდა მხოლოდ 20%. პიდოტიმოდი ასევე ამცირებს მეორადი ინფექციის რისკს.[70] საჭიროა შემდგომი კვლევა.

ამ მასალის გამოყენება ექვემდებარება ჩვენს განცხადებას