ბარტონელას ინფექცია

Bartonella henselae ინფექციების სადიაგნოსტიკო კრიტერიუმები (ადაპტირებულია Margileth-დან)[30]Florin TA, Zaoutis TE, Zaoutis LB. Beyond cat scratch disease: widening spectrum of Bartonella henselae infection. Pediatrics. 2008 May;121(5):e1413-25. http://www.ncbi.nlm.nih.gov/pubmed/18443019?tool=bestpractice.com [43]Margileth AM. Recent advances in diagnosis and treatment of cat scratch disease. Curr Infect Dis Rep. 2000 Apr;2(2):141-6. http://www.ncbi.nlm.nih.gov/pubmed/11095849?tool=bestpractice.com

მომდევნო 4 კრიტერიუმიდან 3-ის არსებობა ადასტურებს B henselae ინფექციის დიაგნოზს:

1. კატასთან ან რწყილებთან კონტაქტი, მიუხედავად ნაკაწრის ან დაზიანების არსებობისა ინოკულაციის ადგილზე

2. უარყოფითი ტუბერკულინის კანის ტესტი ან გამა ინტერფერონის გამოთავისუფლების ანალიზი, ან უარყოფითი სეროლოგიური ტესტი ადენოპათიის სხვა მიზეზებზე; კვანძიდან სტერილური ჩირქის ასპირაცია; დადებითი პოლიმერაზას ჯაჭვური რეაქცია B henselae-ზე; და/ან ღვიძლის/ელენთის დაზიანებები კომპიუტერულ ტომოგრაფიაზე

3. დადებითი იმუნოფერმენტული ან იმუნოფლუორესცენტული ანტისხეულის ანალიზი, ერთჯერადი ტიტრით ≥1:64 ან ტიტრის ოთხჯერადი ზრდით მწვავე და კონვალესცენტურ შრატებს შორის

4. ბიოფსიით ვლინდება გრანულომატოზური ანთება, რომელიც მიესადაგება კატის ნაკაწრის დაავადებას, ან დადებითია ვარტინ-სტარის ვერცხლით შეღებვა.

ბარტონელური ენდოკარდიტის სადიაგნოსტიკოდ შემოთავაზებული კრიტერიუმები[50]Edouard S, Nabet C, Lepidi H, et al. Bartonella, a common cause of endocarditis: a report on 106 cases and review. J Clin Microbiol. 2015 Mar;53(3):824-9. https://jcm.asm.org/content/53/3/824.long http://www.ncbi.nlm.nih.gov/pubmed/25540398?tool=bestpractice.com

ერთ-ერთი კვლევის მიხედვით, რეკომენდებულია ჩამოთვლილთაგან ერთ-ერთი კრიტერიუმის ჩათვლა ძირითად Duke კრიტერიუმად ბარტონელური ენდოკარდიტისთვის:

• დადებითი შედეგი PCR-ზე; ნიმუში - გულის სარქველი ან სისხლი

• IgG ტიტრი ≥800 (იმუნოფლუორესცენტული კვლევა)

• დადებითი ვესტერნ ბლოტი.