მიდგომა
ინფექციების დაახლოებით 90% უსიმპტომოა ან იწვევს გრიპის მსგავს მსუბუქ დაავადებას.[11] იმუნოკომპეტენტურ პაციენტებთან, შესაბამის ეპიდემიოლოგიურ პირობებში, გრიპის მსგავსი მსუბუქი სიმპტომებით, ჰისტოპლაზმოზის დიაგნოზი შეიძლება აშკარა იყოს გრიპის მსგავსი მსუბუქი სიმპტომებით.
სხვა პაციენტები შემთხვევაში, რომლებთანაც მეტად გახანგრძლივებულია სიმპტომები ან რომლებც იმუნოკოპმპრომეტირებუნი არიან, საჭიროა კომპლექსური შეფასება, რაც მოიცავს ანამნეზის შეგროვებას, ექიმის მიერ გასინჯვას , ლაბორატორიული, კლინიკური და ინსტრუმენტული გამოკვლევების შედეგების განხილვას.
ანამნეზი.
საჭიროა სრული სოციალური და პროფესიული ანამნეზის შეგროვება. Histoplasma capsulatum ენდემურია ოჰაიოში, მდინარე მისისიპისა და მისურის ველებში აშშ-ში; სამხრეთ მექსიკას, კარიბის ზღვის აუზში, ცენტრალურ და სამხრეთ ამერიკაში.[3][4][16] ქვაბულების შესწავლა, ფრინველების ბუდეებთან ან ღამურებთან სიახლოვე, ნგრევითი და გათხრითი სამუშაობი, ხის შეგროვება და მოჭრა, ეს ყოველივე დაკავშირებულია ინფექციასთან. ეს ინფორმაცია ხელს შეუწყობს სოკოს სპორების ექსპოზიციის ხარიხის დადგენას, თუმცა დაინფიცირებულ პირებთან, ყოველთვის ვერ წავაწყდებით ექსპოზიციის ისტორიას. ამ ორგანიზმის მზარდი გავრცელების გათვალისწინებით, ჰისტოპლაზმოზის დიაგნოზი ამჟამინდელი გეოგრაფიული საზღვრებს მიღმაც უნდა განიხილებოდეს შესაბამის კლინიკურ კონტექსტში, თუნდაც ტიპიური მოგზაურობის ისტორიის არარსებობის შემთხვევაში.[6]
პაციენტის მიერ მიღებულმა გარკვეულმა მედიკამენტებმა ან თანხმლებმა დაავადებამ, შეიძლება გამოიწვიოს იმუნოსუპრესული მდგომარეობა.
პაციენტს შეიძლება აღენიშნებოდეს ფილტვის ძირითადი დაავადება (მაგ. ემფიზემა). ფილტვის ქრონიკული დაავადება ქრონიკულ პულმონარულ ჰისტოპლაზმოზის განვითარების რისკ ფაქტორს წარმოადგენს.[26][27]
მაღალი ავადობისა და სიკვდილობის გამო, გასათვალისწინებელია დისიმინირებული სოკოვანი ინფექციის განვითარების შესაძლებლობა დაავადების ადრეულ სტადიაზე იმ პაციენტებში, რომელთაც აღენიშნებათ უჯრედული იმუნიტეტის დაქვეითება (აივ/შიდსი, ქრონიკული იმუნოსუპრესორული თერაპია, როგორიცაა სიმსივნის ნეკროზის ფაქტორი ალფას ანტაგონისტები და კორტიკოსტეროიდები), ნეიტროპენია, ასაკი <2 წელი, ფილტვის ქრონიკული დაავადება, დაავადება „ტრანსპლანტატი მასპინძლის წინააღმდეგ“, ასევე ღეროვანი უჯრედების და ტრანსპლანტატი ორგანოს მიმღები პირები.[19][20][21]
გასინჯვა
ლატენტურად მიმდინარე პულმონარული ჰისტოპლაზმოზი
ეს კლინიკურად შუმჩნეველია და შეიძლება შემთხვევით გამოვლინდეს ბიოფსიის ან აუტოფსიის შედეგად, როდესაც ფილტვებში შესაძლოა გამოვლინდეს ლოკალური გრანულომები.
მწვავე რესპირატორული ჰისტოპლაზმოზი(სიმპტომები<4 კვირა)
პაციენტს გამოხატული აქვს გრიპის მსგავსი სიმპტომები (მაგ. ცხელება, საერთო სისუსტე, თავისა და მუცლის ტკივილი, წონაში კლება, მშრალი არაპროდუქტიული ხველა, ტკივილი გულმკერდის არეში, დაღლილობა, ართრალგიები)[1]
ექიმის გასინჯვის შედეგები ჩვეულებრივ არასპეციფიურია. გულმკერდის აუსკულტაციით ცვლილებები შეიძლება არ გამოვლინდეს; ზოგიერთ პაციენტთან მოისმინება გაფანტული ხიხინი და ბრონქული ხმიანობა.
მწვავე რესპირატორული ჰისტოპლაზმოზი (სიმპტომები >4 კვირა)
სიმპტომების გახანგრძლივება 4 კვირაზე მეტ ხანს მიუთითებს, რომ პაციენტს განუვითარდა პროგრესული დისიმინირებული დაავადება, რომელიც ეფექტური მკურნალობით შეიძლება შეჩერდეს.
უფრო მძიმე რესპირატორული სიმპტომების შემთხვევაში, შესაძლოა მოისმინებოდეს დისტანციური სუნთქვითი ხმიანობა ღრუს საპროექციოდ.
ქრონიკული პულმონარული ჰისტოპლაზმოზი
ვლინდება ფილტვის ძირითადი დაავადების მქონე პაციენტებში (მაგ.ემფიზემა).
შესაძლებელია გამოვლინდეს ფილტვის ზედა წილების ორმხრივი ან ცალმხრივი ინფილტრაცია კავერნებთან ერთად.
დაავადების ყველაზე ხშირი მანიფესტაციაა პროდუქტიული ხველა, წონაში კლება, საერთო სისუსტე, ასევე შესაძლებელია სისხლიანი ნახველის წარმოქმნა.
ქრონიკული პულმონალური ჰისტოპლაზმოზი ტუბერკულოზს ჰგავს და შეიძლება დამძიმდეს თვეების და წლების განმავლობაში.
შუასაყრის ჰისტოპლაზმოზი
შედეგებში ჩართულობაა შუასაყარის ლიმფური კვანძებისა, რომლებიც ერწყმის მასის მსგავს დაზიანებებს.
ხშირად ასიმპტომურია, თუმცა სიმპტომები შეიძლება გამოწვეული იყოს შუასაყარის სტრუქტურები ჩართულობით, როგორიცაა საყლაპავი და ბრონქები.
შუასაყარის ფიბროზი შეიძლება განვითარდეს გვიანი გართულების სახით, ზოგიერთ პაციენტში, მაშინ, როდესაც ინვაზიაა სასიცოცხლო სტრუქტურებში.
დისემინირებული ჰისტოპლაზმოზი
პირველ რიგში, უვითარდებათ იმუოკომპრომისულ პაციენტებს, განსაკუთრებით აივ ინფიცირებულ პაციენტებს.[1]
პირველდი იმუნოდეფიციტის თუ მეორადად, TNF- ალფას ანტაგონისტების ან კორტიკოსტეროიდების მიღების ფონზე განვითარებული შესუსტებული უჯრედული იმუნიტეტი ზრდის პროგრესული, დისემინირებული, სიცოცხლისთვის საშიში ჰისტოპლაზმოზის ჩამოყალიბების რისკს.[14][18]
ცხელება ყველაზე გავრცელებული სიმპტომია, თუმცა პაციენტები ასევე ხშირად უჩივიან თავის ტკივილს, წონის კლებას და საერთო სისუსტეს
ფილტვგარე გამოვლინებები შეიძლება მრავალფეროვანი იყოს და მოიცავდეს კანის დაზიანებებს, ჰეპატოსპლენომეგალიას, ღვიძლის ფუნქციური სინჯების ნორმიდან გადახრას, პანციტოპენიას, გასტროინტესტინალური ტრაქტის ჩართულობას და სეფსისის მსგავს სინდრომს.[2]
ცენტრალურ ნერვულ სისტემაზე დაავადების გავრცელება შეიძლება გამოვლინდეს თავის ტვინის დაზიანებით ან მენინგიტით.
შორსწასული აივ/შიდსის მქონე პაციენტებში ჰისტოპლაზმოზური პნევმონია, როგორც წესი, ვითარდება დისემინირებულ დაავადებასთან ერთად. ამ შემთხვევაში გამოვლენილი ფილტვის ინფექციის სიმპტომები მეტად მწვავეა და მეტად მძიმე, პაციენტების სხვა ჯგუფებთან შედარებით.
კვლევები
გულმკერდის რენტგენი
საჭიროა ჩატარდეს ყველა პაციენტთან. მსუბუქად მიმდინარე დაავადების დროსაც კი, ფილტვის რენტგენოლოგიური კვლევა ხელს უწყობს ფილტვის დაზიანების მოცულობის გამოვლენასა და გრიპისა და საზოგადოებაში შეძენილი სხვა პნევმონიების გამორიცხვას.
შესაძლებელია გამოვლინდეს კალციფიცირებული გრანულომები, რომლებიც ასახავენ წინა სოკოვანი ინფექციის განკურნებულ კერებს (კეროვანი ინფილტრაციები).
ცალმხრივი ან ორმხრივი ინტერსტიციური ან რეტიკულონოდულურიი ინფილტრტები, კვანძები, შუასაყრის ან ფილტვის კარის ლიმფადენოპათია, კავერნოზული დაზიანებები ხშირი ნიშნებია. პლევრალური გამონაჟონი იშვიათია.
აივ ინფიცირებულ და იმუნოკომპრომისულ პაციენტებს, რომლებსაც პულმონალური ჰისტოპლაზმოზი აქვთ შეიძლება აღენიშნებოდეთ დიფუზური ორმხრივი რეტიკულონოდულარული ინფილტრაცია, რომელიც განურჩეველია პნევმოცისტური პნევმონიის სურათისგან.[2] ორივე ჯგუფში, იმუნოკომპრომისულ თუ იმუნოკომპეტენტურ პაციენტებში, ფილტვის რენტგენზე დიფუზური ინტერსტიციული ინფილტრაციის არსებობა წარმოადგენს საფუძველს, დაიწყოს კვლევები დისემინირებული სოკოვანი ჰისტოპლაზმოზის გამოსარიცხად.[Figure caption and citation for the preceding image starts]: ჰისტოპლაზმოზის მქონე პაციენტების რენტგენლოგიური კვლევა უჩვენებს ორმხრივ დიფუზურ რეტიკულონოდულარულ ინფილტრაციასდოქტორ დავიდ ლ. გოლდმენის პერსონალური კოლექციიდან [Citation ends].
კომიუტერულ ტომოგრაფიული (CT) სკანირება
იმუნოსუპრესირებულ პაციენტებში, როდესაც სოკოვანი ინფექციების განვითარების მაღალი მოლოდინია და რენტგენოლოგიური კვლევა ნორმის ფარგლებშია, კომპიუტერული ტომოგრაფია უნდა იყოს ინიციალური კვლევების ნაწილი.[Figure caption and citation for the preceding image starts]: მწვავე ჰისტოპლაზმოზის ფილტვების კომპიუტერული ტომოგრაფიაზე ვლინდება კლასიკური, „ქარბუქის“ მსგავსი სურათი.საზოგადოებრივი ჯანდაცვის ბიბლოთეკა, აშშ-ს დაავადებათა კონტროლისა და პრევენციის ცენტრები [Citation ends].
კომპუტერული ტომოგრაფია ხელს უწყობს დისემინაციის გავრცელების ხარისხის დადგენას.
ლაბორატორიული კვლევები, კლინიკურ და რენტგენოლოგიურ მონაცემებთან ერთად , შეიძლება დიაგნოსტირების საფუძველი გახდეს. თითოეულ კვლევას თავისი შეზღუდვა აქვს, რომელიც გათვალისწინებული უნდა იყოს ტესტების გამოყენებამდე. კვლევებისთვის შეიძლება შეგროვდეს ნახველი, შარდი, შრატი, ბრონქოალვეოლური ლავაჟი ან თავზურგტვინის სითხე. ჩვეულებრივ, იყენებენ ნახველს, შარდსა და შრატს, მაგრამ მძიმე დაავადების დროს, როდესაც გამოვლენილი კლინიკური ნიშნები და პირველადი ლაბორატორიული კვლევები არ არის დამაჯერებელი, დიაგნოზის დასადასტურებლად შეიძლება გამოიყენოთ ბრონქოალვეოლური ლავაჟი ან თავზურგტვინის სითხე.
კულტივირება
სოკოს კულტურები ოქროს სტანდარტის ტესტია დიაგნოზის დასადასტურებლად, მაგრამ ტექნიკურად რთულია და საჭიროებს დიდ დროს.[28]
კულტივირის კვლევა ყველაზე სარგებიანი კვლევაა ქრონიკული პულმონური ან დისემინირებული ჰისტოპლაზმოზის შემთხვევაში. პაციენტებს, მწვავრე დიფუზური პნევმონიით და დისემინირებული ჰისტოპლაზმოზით, აღენიშნებათ მაღალი სოკოვანი დატვირთვა, რის გამოც ნახველის კულტურის კვლევით სოკოზე დადებითი პაუხი მიიღება ჩვეულებრივ 60%-დან 85% შემთხვევაში.[29][30] ზემოაღნიშულისაგან განსხვავებით, ფილტვის მწვავე ლოკალიზებული დაავადების შემთხვევაში პაციენტებს აქვთ დაბალი სოკოვანი დატვირთვა; ამ პაციენტებში ნახველის კულტურის მგრძნობელობა მხოლოდ 15%-ია.
სოკო იზრდება ნელა ამიტომ მისი კულტურის მიღებას შეიძლება 4-დან 6 კვირა დაჭირდეს. კვლევისთვის შეიძლება შეგროვდეს ნახველი ან ბალი (ბრონქო-ალვეოლური ლავაჟი).
დისემინირებული დაავადების შემთხვევაში(მაგ., შიდსით დაავადებული პაციენტები), სისხლის კულტურა ლიზის ცენტრიფუგაციის გამოყენებით ზრდის დიაგნოსტიკური მგრძნობელობას სტანდარტული კულტურის მეთოდებთან შედარებით. ძვლის ტვინის კულტურა ასევე შეიძლება სარგებლიანი იყოს დისემინირებული დაავადების მქონე პაციენტებში.[25][Figure caption and citation for the preceding image starts]: Histoplasma capsulatum-ის კოლონიები იზრდება ორ სხვადასხვა სახის აგარზედოქტორ ლენორ ჰელი, საზოგადოებრივი ჯანდაცვის ბიბლოთეკა, აშშ-ს დაავადებათა კონტროლისა და პრევენციის ცენტრები [Citation ends].
ბალ-ის ბაქტერიოლოგიური კვლევას 89%-იანი მგრძნობელობა აქვს აივ ინფიცირებულ პაციენტებში[31]
ანტიგენის გამოვლენა: ფერმენტული იმუნოანალიზი
ეს კვლევა სწრაფი დიაგნოსტირების საშუალებას იძლევა და ემყარება H capsulatum-ის გალაქტომანნას დეტექციას. ის გამოსადეგია მძიმედ მიმდინარე დაავადების დიაგნოსტირებისთვის. კვლევა შეიძლება ჩატარდეს შრატის, შარდის, ბრონქოალვეოლური ლავაჟის და თავზურგტვინის სითხის ნიმუშებზე. შარდის ან შრატის ანტიგენის ტესტირება რეკომენდებულია ფილტვის მწვავე ჰისტოპლაზმოზის სავარაუდო დიაგნოზის დასადგენად, რისთვისაც მკურნალობის სწრაფი დაწყება აუცილებელია შედეგების გასაუმჯობესებლად.[4][28][32][33][34]
პაციენტებს, მწვავე დიფუზური პნევმონიით და დისიმინირებული ჰისტოპლაზმოზით, აღენიშნებათ მაღალი სოკოვანი დატვირთვა და შარდში ანტიგენის აღმოჩენის ტესტი დადებითია პაციენტების 75%-ში .[29][30] აღნიშნულიგან განსხვავებით, ფილტვის მწვავე ლოკალიზებული დაავადების შემთხვევაში, სოკოვანი დატვირთვა ძალიან დაბალია და შარდის ანტიგენის ტესტი დადებითია პაციენტების მხოლოდ დაახლოებით 30%-ში.[35]
ანტიგენის დეტექციის ტესტის მგრძნობელობა შარდში მსგავსია ან უკეთესი, ვიდრე შრატში.[36] ის განსაკუთრებით ეფექტურია იმუნოკომპრომისულ ან მძიმედ მიმდინარე დაავადების მქონე პაციენტების დიაგნოსტირებისთვის, როდესაც შესაძლოა არ არის გამომუშავებული საპასუხო ანტისხეულები.[35]
ანტიგენის დეტექცია მგრძნობიარეა 85%-ით, ხოლო სპეციფიკური - 92%-ით BAL ნიმუშებში.[37] შიდსით და გავრცელებული ჰისტოპლაზმოზით დაავადებული პაციენტებისთვის, ანტიგენის გამოვლენის მგრძნობელობა BAL სითხეში, როგორც ჩანს, შედარებადია სისხლში.[31]
შრატში ანტიგენების დონე იკლებს მკურნალობის პირველი 2 კვირის განმავლობაში, მაშინ როდესაც შარდში ანტიგენების დონე მცირე კონცეტრაციით რჩება რამდენიმე თვის განმავლობაში.[38] პაციენტის პროგრესის მონიტორინგისთვის (სოკოს საწინააღმდეგო მკურნალობის ფონზე) შეიძლება ანტიგენის დონის გამოყენება; ანტიგენის დონე მცირდება ეფექტური თერაპიის შემთხვევაში და იზრდება რეციდივის დროს.[28]
სეროლოგია(ანტიგენის აღმოჩენა):იმუნოდიფუზური პრეციპიტაციის ტესტი
ანტისხეულების ტესტირება რეკომენდებულია იმუნოკომპეტენტურ პაციენტებში, რომლებიც საეჭვოა ფილტვის ჰისტოპლაზმოზზე.[28]
შედეგები დადებითია მწვავე პულმონალური ჰისტოპლაზმოზის მქონე სიმპტომური პაციენტების 90%-ში და დაახლოებით 100% -ია ქრონიკული პულმონალური ჰისტოპლაზმოზის მქონე პაციენტებში. ეს ტესტი შედარებით მგრძნობიარე, მაგრამ აქვს გარკვეული შეზღუდვები ჯვარედინი რეაქტიულობის გამო.
განსაზღვრადი ანტისხეულები ჩნდება მწვავე ინფექციის დაწყებიდან 4-დან 8კვირის განავლობაში და ნარჩუნდება 12-დან 18 თვის განმავლობაში. ამით შეიძლება აიხსნას ის, თუ რატომ არის სეროლოგიური კვლევა დასაწყისში უარყოფითი და 1 თვის შემდეგ დადებითი.
ენდემურ რაიონებში ფონური სეროპოზიტიურობა დაბალია, რის გამოც იმუნოდიფუზურ ტესტირებას მაღალი მგრძნობელობა და სპეციფიკურობა ახასითებს ენდემურ რაიონებშიც კი.[39]
შედეგი ასახავს M ან H ბენდების არსებობას.[29] M და H ანტიგენები წარმოადგენენ სოკოს გლიკოპროტეინებს. M ბენდი ნანახი იქნა ინა მწვავე პულმონალური ჰისტოპლაზმოზის მქონე პაციენტების 76%ში H ბენდი ნანახი იქნა ინფიცირებულთა მხოლოდ 20%-ში, მაგრამ ის ასოცირდება პულმონალური პნევმონიას, დისიმინირებული ინფექციისა და კავერნოზული დაავადებებთან.[29] M ფრაქცია მეტხანს გრძელდება ვიდრე H ფრაქცია. მისი არსებობა შეიძლება მიუთითებდეს მწვავე, ქრონიკულ ან უკვე გადატანილ ინფექციაზე.
შიდსის მქონე პაციენტებში სეროლოგიური კვლევების მგრძნობელობა,იმუნოდიფუზურ კვლევის ჩათვლით მცირდება 70%-მდე[2] ანალოგიურად, სეროლოგიური მგრძნობელობა სავარაუდოდ შემცირდება იმუნოსუპრესიასთან დაკავშირებულ სხვა მდგომარეობებში (მაგ. ორგანოთა ტრანსპლანტაცია ან ქრონიკული კორტიკოსტეროიდების მიღება).
სეროლოგია(ანტისხეულების დეტექცია): კომპლიმეტის ფიქსაციის რეაქცია
ანტისხეულების ტესტირება რეკომენდებულია იმუნოკომპეტენტურ პაციენტებში, რომლებიც საეჭვოა ფილტვის ჰისტოპლაზმოზზე.[28]
ეს კვლევა უფრო სწრაფი და მგრძნობიარეა იმუნოდიფუზიის ტესტთან შედარებიით(95% საპირისპიროდ 90%-ისა), მაგრამ ნაკლებ სპეციფიურია სხვა მიკოზური ინფექციების(მაგ.კოკციდიოიდომიკოზი,ბლასტომიკოზი) შედეგად გამომუშავებული ანტისხეულებთან ჯვარედინი რეაქტიულობის გამო.[39]
გამოიყენება H capsulatum საფუარი და მიცელიუმის ანტიგენები.
მგრძნობელობა შეიძლება შემცირდეს იმუნოდეფიციტის მქონე პირებში.
ტიტრები 1:8-დან 1:16-მდე განიხილება დაბალ პოზიტიურად და უნდა იქნას განხილული კლინიკურ კონტექსტში. ტიტრები ≥1:32 ან ტიტრის ოთხჯერ მატება მწვავე ინფექციის დიაგნოსტიკურია.[40]
სეროლოგია (ანტიგენის აღმოჩენა): იმუნოფერმენტული ანალიზი
ანტისხეულების ტესტირება რეკომენდებულია იმუნოკომპეტენტურ პაციენტებში, რომლებიც საეჭვოა ფილტვის ჰისტოპლაზმოზზე.[28]
კომერციულად ხელმისაწვდომი კვლევა, რომელიც ჰისტოპლაზმოზის სპეციფიკური იმუნოგლობულინების (IgM, IgG) დონის გაზომვის საშუალებას იძლევა.
ერთერთი ლიმიტირებული კლინიკური კვლევის თანახმად, აღნიშნული კვლევა მწვავე ფილტვისმიერი ჰისტოპლაზმოზის სადიაგნოსტიკოდ უფრო მგრძნობიარეა, ვიდრე კომპლემენტის შებოჭვისა და იმუნოდიფუზური ტესტები.[41]
ამ ანალიზისა და ანტიგენის დეტექციის კომბინაცია აუმჯობესებს მწვავე ფილტვისმიერი ჰისტოპლაზმოზის დიაგნოსტიკის სიზუსტეს.[41]
უარყოფითი მხარეებია: ჯვარედინი რეაქტიულობა სხვა სოკოების ანტისხეულებთან და დაქვეითებული სენსიტიურობა იმუნოკომპრომისულ პაციენტებში.
სისხლის საერთო ანალიზი
შედეგები გამოიყენება სავარაუდო დისემინირებული დაავადების კონფირამციისთვის ან უკუგდებისთვის
ჰისტოპლაზმური პნევმონიის მქონე იმუნოკომპეტენტურ პაციენტებში შესაძლოა გამოვლინდეს მხოლოდ სუსტად გამოხატული ანემია.
პროგრესული დისემინირებული ჰისტოპლაზმოზის მქონე პაციენტებს შეიძლება აღენიშნებოდეთ ანემია, ნეიტროპენია, პანციტოპენია და თრომბოციტოპენია, რადგან დისემინირებული ინფექცია მოიცავს რეტიკულოენდოთელიურ სისტემასაც.
ღვიძლის ფუნქციური სინჯები
ისინი საწყის ეტაპზე გამოსადეგია, თუ მკურნალობა უნდა მიმდინარეობდეს აზოლური სოკოს საწინააღმდეგო საშუალებებით, წამლების ჰეპატოტოქსიურობის რისკის გამო.
ჰისტოპლაზმოზური ინფექციის დროს მომატებული ღფს-ები სავარაუდოს ქმნის დისიმინირებული დაავადების არსებობას.
ბიოფსია
ქსოვილის აღება უნდა მოხდეს მალევე, შეძლებისდაგვარად, რათა შესაძლებელი გახდეს ჰისტოპათოლოგიური დიაგნოზი სოკოვანი ლაქების და სოკოს კულტურის მეშვეობით.[4] გამოკვლევისას H. capsulatum ჩანს, როგორც შედარებით მცირე (2-4 მიკრონი), კვერცხისებრი, უჯრედშიდა საფუარი. გრანულომატოზური ანთება შეიძლება იყოს კაზეოზური ან არაკაზეოზური.
შეიძლება გამოყენებულ იქნას პერიოდული მჟავა-შიფის ან გროკოტის მეტენამინის ვერცხლის შეღებვა.[4]
ჰისტოპათოლოგიის მგრძნობელობა განსხვავდება დაავადების სიმძიმისა და იმუნოსუპრესიის ხარისხის მიხედვით.[4][Figure caption and citation for the preceding image starts]: მეთენამინის ვერცხლით შეღებვა ავლენს Histoplasma capsulatum სოკოებს ფილტვის ქსოვილშიდოქტორ ედვინ პ. ევინგი, საზოგადოებრივი ჯანდაცვის ბიბლოთეკა, აშშ-ს დაავადებათა კონტროლისა და პრევენციის ცენტრები [Citation ends].
[Figure caption and citation for the preceding image starts]: ჰისტოპათოლოგიური ცვლილებები, რომლებიც დაკავშირებულია ფილტვების ჰისტოპლაზმოზთან.დოქტორ მარტინ ჰიკლინი, საზოგადოებრივი ჯანდაცვის ბიბლოთეკა, აშშ-ს დაავადებათა კონტროლისა და პრევენციის ცენტრები [Citation ends].
ტიპური ლაბორატორიული შედეგები
მწვავე რესპირატორული ჰისტოპლაზმოზი (სიმპტომები<4 კვირა)
სოკოთი დაინფიცირების დატვირთვა მცირეა ფერმენტული იმუნოკვლევით შარდში ანტიგენის აღმოჩენა ხდება შემთხვევების დაახლოებით 30%-ში. ნახველის ბაქტერიოლოგიური კვლევის სენსიტიურობა დაახლოებით 15%-ია. სეროლოგია დადებითია უმეტეს შემთხვევებში.
მწვავე რესპირატორული ჰისტოპლაზმოზი (სიმპტომები >4 კვირა)
სოკოთი დაინფიცირების მოცულობა მცირეა ანტიგენის დეტექციის რეაქცია და ბაქტერიოლოგიური კვლევა ხშირად პოზიტიურია. ამით აიხსნება ის, თუ რატომ არის სეროლოგიური კვლევა დასაწყისში უარყოფითი და 1 თვის შემდეგ დადებითი
ქრონიკული პულმონარული ჰისტოპლაზმოზი
სეროლოგია დადებითია უმეტეს შემთხვევებში და კომპლიმენტის ფიქსაციის ტიტრი ხშირად მაღალი.
დისიმინირებული დაავადება
ნახველის კულტურის კვლევა დადებითია სოკოზე 60%-დან 85%-მდე შემთხვევაში. სეროლოგია უმეტეს შემთხვევაში დადებითია, თუმცა მგრძნობელობაზე შეიძლება უარყოფითად იმოქმედოს იმუნოკომპრომეტირებულმა მდგომარეობამ. იმუნოკომპრომეტირებულ პაციენტებში, დისემინირებული დაავადების დროს, ანტიგენის დეტექციის ანალიზს 90%-ზენ მეტი მგრძნობელობა აქვს.[42] ძვლის ტვინის გამოკვლევა შეიძლება სწრაფი სადიაგნოსტიკო მეთოდი იყოს დისემინირებული დაავადების დროს, განსაკუთრებით შიდსით დაავადებულ პაციენტებში.[25]
ამ მასალის გამოყენება ექვემდებარება ჩვენს განცხადებას