ახალი ტიპის მკურნალობა
მილვაკის პროტოკოლი
წარმოადგენს სიმპტომური ცოფის მკურნალობის დეტალურ პროტოკოლს.[51] მთავარი მიზანია აუტონომიური სისტემის სიცოცხლისთვის საშიში დარღვევების თავიდან არიდება ღრმა, არა-ბარბიტურატ დამოკიდებული სედაციით, სანამ იმუნური გამწმენდი რეაქციები მიმდინარეობს. აქტიური მედიკამენტები, მათ შორის კეტამინი და ნიმოდიპინი გენერალიზებული ბაზალური არტერიის სპაზმის პროფილაქტიკისთვის, თეორიაში ნეიროპროტექტორულია. აღნიშნული პროტოკოლის გამოსაყენებლად საჭირო პრერეკვიზიტები მოიცავს კარგ ლოჯისტიკას და ცოფის რეფერალური ლაბორატორიის და რეააბილიტაციის ცენტრის ხელმისაწვდომობას.[52][53] პროტოკოლი საჭიროებს დამატებით შეფასებას მისი მიზნობრივი ეფექტურობის დასადგენად, რადგან არსებული ინფორმაცია შემთხვევათა შეზღუდულ რაოდენობას ეფუძნება. ცოფგადატანილი პირებიც აღირიცხა.
მონოკლონური ანტისხეულები
ჯანმრთელობის მსოფლიო ორგანიზაცია აწარმოებს პროექტს სპეციალური კოქტეილის შექმნის მიზნით, რომელიც მონოკლონურ ანტისხეულთა უნიკალურ კომბინაციას შეიცავს და უნარი ექნება გაანეიტრალოს ცოფის სხვადასხვა იზოლატები. პროდუქტები, როგორებიცაა CL184, RMAb, Rabimabs და SYN023 კლინიკურ კვლევას გადიან.[54]ექსპოზიციის შემდგომი პროფილაქტიკის ფარგლებში SII RMAb აღმოჩნდა უსაფრთხო და არანაკლებ ეფექტური, ვიდრე ადამიანის ცოფის იმუნოგლობულინი.[55]
ანტივირუსული მედიკამენტები
ფავიპირავირი ცოფის წინააღმდეგ მიზნობრივად ეფექტური აღმოჩნდა როგორც ინ ვიტრო ისე ინ ვივო პირობებში. ერთ-ერთი კვლევის თანახმად გამოვლინდა, რომ თაგვებში მედიკამენტის ადრეული გამოყენება ცოფის ვირუსთან ასოცირებულ სიკვდილობასა და ავადობას ამცირებდა.[56] რიბავირინიც ეფექტური აღმოჩნდა ინ ვიტრო პირობებში, თუმცა ცხოველებზე ჩატარებული კვლევებისას უშედეგო იყო.[50][57]
PIKA® ვაქცინა
ცოფის PIKA® ვაქცინა შეიცავს თანამედროვე ადიუვანტს, ორმაგი ჯაჭვის მქონე რნმ-ის სინთეტურ ანალოგს და პოლინოზინურ-პილიციტიდილური მჟავის დახვეწილ ფორმას, რომელიც სტაბილიზებულია კანამიცინითა და კალციუმით, ასევე შეიცავს ცოფის ინაქტივირებულ და გაწმენდილ ვირუსს. იგი მოქმედებს, როგორც თაღის მსგავსი რეცეპტორი-3-ის (TLR-3) აგონისტი და შეუძლია არასპეციფიკური იმუნიტეტის ინდუცირება. ჯანმრთელ ზრდასრულებში ჩატარებული მე-2 ფაზის რანდომიზებული კვლევის მიხედვით PIKA®-ს ვაქცინის შემცველი დაჩქარებული რეჟიმი დახასიათდა კარგი ამტანობით და გამოავლინა არანაკლები იმუნოგენურობა ვაქცინის კლასიკურ რეჟიმთან შედარებით, რომლის ფარგლებშიც გამოიყენება Rabipur®.[58] მე-3 ფაზის ცდები ზოგიერთ ქვეყანაში 2023 წელს უნდა დაიწყოს. PIKA® ვაქცინას მიენიჭა ობოლი სამედიცინო პრეპარატის სახელწოდება აშშ-ს სურსათისა და წამლების ადმინისტრაციის მიერ 2016 წელს.
ამ მასალის გამოყენება ექვემდებარება ჩვენს განცხადებას