კვლევები
1-ად შესაკვეთი გამოკვლევები
FBC
ტესტი
შიგა ტოქსინწარმომქმნელი Escherichia coli HUS დროს ხშირა თრომბოციტოპენია თრომბოციტების მედიანური რაოდენობით 30 x 10³/მიკროლიტრი, თუმცა შემთხვევათა თითქმის 30%-ში თრომბოციტების რაოდენობა ნორმაშია ან ნორმასთან ახლოსაა.[7]
შედეგი
ანემია, თრომბოციტოპენია
პერიფერიული სისხლის ნაცხში
ტესტი
ხსენებული წარმოადგენს კრიტიკულ ეტაპს თრობოტუი მიკროანგიოპათიის დიაგნოზის დადგენაში. პერიფერიული სისხლის ნაცხის შემოწმება საჭიროა არამარტო შისტოციტების აღმოსაჩენად, არამედ თრომბოციტების ზუსტი რაოდენობის განსაზღვრისთვის, ვინაიდან ავტომატური დამთვლელები ზოგიერთ შემთხვევაში შეცდომით აღიქვამენ ერითროციტების ფრაგმენტებს თრომბოციტებად.[39][Figure caption and citation for the preceding image starts]: პერიფერიული სისხლის ნაცხი მრავალი ფრაგმენტირებული ერითროციტითFrom the personal collection of Dr A. Zimrin; used with permission [Citation ends].
შედეგი
შისტოციტების არსებობა
თირკმლის ფუნქცია/კრეატინინი
ტესტი
ჰემოლიზურ-ურემიული სინდრომის დროს ზიანდება თირკმლის ენდოთელური უჯრედები. შიგა ტოქსინწარმომქმნელი Escherichia coli HUS დროს კრეატინინის მატებას, როგორც წესი, წინ უძღვის თრომბოციტოპენია და ჰემოგლობინის შემცირება.
სპორადული ჰემოლიზურ-ურემიული სინდრომის დროს დიაგნოზის დადგენისას ვლინდება კრეატინინის მომატება.
შედეგი
კრეატინინის დონის მატება
შრატის ელექტროლიტები (ნატრიუმი, კალიუმი, ქლორიდი და ბიკარბონატი, კალციუმი და ფოსფორი)
ტესტი
ელექტროლიტური პათოლოგიები შეიძლება იყოს წარმოდგენილი დიარეის და თირკმელების მწვავე დაზიანების გამო.
შედეგი
პათოლოგიები შეიძლება შეიცავდეს ჰიპერკალემიას, ჰიპონატრემიას, ჰიპერნატრემიას, აციდოზს (ბიკარბონატის დაკარგვის გამო), ჰიპერფოსფატემიას
პროთრომბინის დრო, თრომბოპლასტინის პარციალური დრო
ტესტი
პროთრომბინის დრო და ნაწილობრივი თრომბოპლასტინის დრო მნიშვნელოვანია თრომბოციტოპენიის სხვა მიზეზების გამოსარიცხად, როგორიცაა დისემინირებული სისხლძარღვშიდა კოაგულაცია.
შედეგი
ნორმის ფარგლებში
ლაქტატ დეჰიდროგენაზა (LDH)
ტესტი
ლაქტატდეჰიდროგენაზა გამოთავისუფლდება ერითროციტებიდან მათი დაშლის შედეგად. წარმოადგენს არასპეციფიკურ ნიშანს ჰემოლიზური ანემიის დროს.
შედეგი
მომატებული
ჰაპტოგლობინი
ტესტი
ჰაპტოგლობინი უკავშირდება ჰემოგლობინს, რომელიც გამოთავისუფლდება დაშლილი ერითეროციტებიდან. ჰაპტოგლობინ-ჰემოგლობინის კომპლექსი შემდგომ იშლება ღვიძლსა და ელენთაში, რაც იწვევს შრატში ჰაპტოგლობინის დაბალ დონეს.
შედეგი
დაქვეითებული
განავლის კულტურა სორბიტოლ-MacConkey აგარზე შიგა ტოქსინწარმომქმნელი Escherichia coli დეტექციისთის
ტესტი
შესაძლოა იყოს უარყოფითი დიარეული ავადმყოფობის კურსის ადრეულ ეტაპზე.[31]
შედეგი
შიგა ტოქსინწარმომქმნელი E coli ვერ ახდენს სორბიტოლის ფერმენტაციას და ჩანს თეთრი კოლონიების სახით
პოლიმერაზული ჯაჭვის რეაქცია (PCR) Shiga ტოქსინის 1 / Shiga ტოქსინის 2 გამოვლენის მიზნით
ტესტი
PCR ანალიზმა შეიძლება გამოავლინოს შიგა ტოქსინის 1 და შიგა ტოქსინის 2 გენები განავლის ნიმუშებიდან.
ადასტურებს შიგა ტოქსინის წარმომქმნელი Escherichia coli ინფექციას.
შედეგი
დადებითი
ცილები, რომლებიც მონაწილეობას იღებენ კომპლემენტის რეგულაციაში
ტესტი
ოჯახურ დაავადებაზე ეჭვის მიტანის შემთხვევაში თავდაპირველად უნდა ჩატარდეს აღნიშული ანალიზი. შეიძლება კომპლემენტის ფაქტორის H და კომპლემენტის ფაქტორის I დონეების განსაზღვრა.
C3 და C4 დაბალი დონეები ხშირია კომპლემენტის ალტერნატიული რეგულატორული გზის მუტაციების მქონე პაციენტებში, თუმცა ეს არ არის სენსიტიური სკრინინგ ტესტი. შემდგომი ანალიზი (ფაქტორი B, მემბრანის კოფაქტორი პროტეინი, ფაქტორი H ავტოანტისხეული) შესაძლოა საჭიროებდეს სპეციალიზებული ლაბორატორიის მომსახურებას.[40]
შედეგი
კომპლემენტის პათოლოგიური დონეები ჰემოლიზურ-ურემიული სინდრომის ოჯახური და ზოგიერთი ატიპური შემთხვევის დროს
გასათვალისწინებელი კვლევები
შარდის საერთო ანალიზი
ტესტი
ჩვეულებრივ, არ არის რეკომენდებული ბავშვებში საწყისი კვლევების ფარგლებში. ძალიან რთულია შარდის სუფთა ნიმუშის მიღება დიარეის არსებობისას და, ამიტომ, ხშირად ვლინდება ლეიკოციტები. პერინეულ მიდამოში ექსკორაციამ და გაღიზიანებამ ასევე შეიძლება გამოიწვიოს ჰემატურიის აღმოჩენა. შესაძლებელია კათეტერიზებული შარდის ნიმუშის მიღება, მაგრამ ეს რთული და მტკივნეულია, განსაკუთრებით ბავშვისთვის. ასევე არსებობს ბაქტერიების შარდის ბუშტში განთესვის რისკი , თუ კათეტერი მოთავსდება დიარეის არსებობის ფონზე.
შედეგი
თირკმლის ჩართულობის შემთხვევაში არის ჰემატურია, პროტეინურია, ან კრეატინინის მომატებული დონე (≥1 მგ/დლ <13 წლის ასაკის ბავშვში ან ≥1.5 მგ/დლ ≥13 წლის ასაკში, ან ≥50%-ით გაზრდილი საწყის მაჩვენებელთან შედარებით)
ADAMTS13-ის დონე
ტესტი
შეიძლება საჭიროებს სპეციალიზუბული ლაბორატორიის მომსახურებას.[40]
ფონ ვილებრანდის გამხლეჩი ფერმენტის ADAMTS13 დონეები, რომლის ნაკლებობა მონაწილეობს თრომბოზული თრომბოციტოპენიური პურპურის (TTP) პათოგენეზში, უფრო სტაბილურად დაბალია თრომბოტული თრომბოციტოპენიური პურპურის დროს, ვიდრე ჰემოლიზურ-ურემიული სინდრომის შემთხვევაში.[41]
შედეგი
უმეტეს შემთხვევაში ნორმაშია
ღვიძლის ფუნქციური სინჯები
ტესტი
ღვიძლის ჩართულობის შესაფასებლად შიგა ტოქსინწარმომქმნელი Escherichia coli HUS დადასტურების შემდეგ.
შედეგი
გარდამავალი ტრანსამანიტი, თუ არის ღვიძლის ჩართულობა
შრატის ამილაზა, ლიპაზა, გლუკოზა
ტესტი
ღვიძლის ჩართულობის შესაფასებლად შიგა ტოქსინწარმომქმნელი Escherichia coli HUS დადასტურების შემდეგ.
შედეგი
გაძლიერებულია პანკრეასის ჩართულობის შემთხვევაში (პანკრეატიტის და, იშვიათ შემთხვევებში ინსულინ-დამოკიდებული შაქრიანი დიაბეტის გამო)
ამ მასალის გამოყენება ექვემდებარება ჩვენს განცხადებას