ეპიდემიოლოგია

შიგა ტოქსინის წარმომქმნელი Escherichia coli (STEC) HUS ყველაზე ხშირად გვხვდება მცირეწლოვან ბავშვებში (<5 წლის), მაგრამ შეიძლება შეგვხვდეს ნებისმიერ ასაკში, ნაკლები სიხშირით უფროსი ასაკის ბავშვებში და მოზრდილებში.[7] მიუხედავად იმისა, რომ დაფიქსირდა მასშტაბური ეპიდაფეთქებები, პათოლოგია მეტწილად მცირე კლასტერებში ან სპორადულად გვხვდება.[8][9][10] აშშ-ში 5 წლამდე ასაკის ბავშვებში წლიური ინციდენტობა არის 2-3 პაციენტი100,000 მოსახლეზე.[11] ევროპაში ატიპური ან განმეორებითი ჰემოლიზურ-ურემიული სინდრომის პრევალენტობა არის 3.3 პაციენტი მილიონ 18 წლამდე ასაკის ბავშვზე.[12] HUS დიაგნოსტირებულია STEC ინფექციების მქონე ბავშვების დაახლოებით 15%-ში, დიარეის დაწყებიდან დაახლოებით 5-10 დღეში.[8][9][13][14] ინგლისში 2017 წელს მოხსენებული იყო 539 დადასტურებული შემთხვევა, რომლებშიც ჩართული იყო Escherichia coli O157.[15] ამათგან 29% საჭიროებდა ჰოსპიტალიზაციას, 3%-ს კი განუვითარდა ჰემოლიზურ-ურემიული სინდრომი.

HUS სხვა ფორმები ბევრად უფრო იშვიათია. მათი ინციდენტობის შეფასება რთულია, დიაგნოსტიკური კრიტერიუმების გადაფარვის გამო სხვა თრომბოზულ მიკროანგიოპათიებთან, განსაკუთრებით, თრომბოზულ თრომბოციტოპენიურ პურპურასთან (TTP).

ამ მასალის გამოყენება ექვემდებარება ჩვენს განცხადებას