ახალ გამოვლენილი წინაგულების ფიბრილაცია (მოციმციმე არითმია)

ახლადდაწყებული წინაგულების ფიბრილაცია (AF) არის ქაოტური და არარეგულარული წინაგულოვანი არითმიის ახალი ან პირველადად დადგენილი ეპიზოდი. პრევალენტობა ასაკთან ერთად პროგრესულად იზრდება.

წინაგულების ციმციმი იწვევს მნიშვნელოვან ავადობასა და სიკვდილობას, მათ შორის გულის ფრიალი, დისპნოე, სტენოკარდია, თავბრუსხვევა ან სინკოპე და გულის შეგუბებითი უკმარისობის ნიშნები, ტაქიკარდიით განპირობებული კარდიომიოპათია, ინსულტი და სიკვდილი.

ეკგ-ზე ჩანს P კბილების არარსებობა, ფიბრილატორული ტალღის არსებობა და არარეგულარული,არათანაბრი QRs კომპლექსი.

წინაგულების ახლად გამოვლენილი ან "მწვავე" წინაგულები ფიბრილაციის მქონე პაციენტების უმრავლესობა არ საჭიროებს დაუყოვნებლივ კარდიოვერსიას. პაციენტთა უმრავლესობას ესაჭიროება მედიკამენტოზური თერაპია დასაწყისში პარკუჭთა სიშირის კონტროლისთვის, და შესაბამისად რითმის კონტროლისათვის.

პაციენტებს, რომელთაც განუვითარდათ ჰემოდინამიკური კომპრომისი უნდა ჩაუტარდეთ დაუყოვნებლივ კარდიოვერსია პირდაპირი დენით.

თუ წინაგულების ფიბრილაციის გამოვლინების ზუსტი დრო ცნობილი არ არის, ტრანსეზოფაგური ექოკარდიოგრამა უნდა ჩატარდეს კარდიოვერსიამდე რათა გამოირიცხოს მარცხენა წინაგულის თრომბი.

წინაგულების ციმციმი სუპრავენტრიკულური ტაქიკარდიაა წინაგულების არაკოორდინირებული აქტივაციით და შესაბამისად წინაგულთა არაეფექტური შეკუმშვით.[1]Joglar JA, Chung MK, Armbruster AL, et al. 2023 ACC/AHA/ACCP/HRS guideline for the diagnosis and management of atrial fibrillation: a report of the American College of Cardiology/American Heart Association Joint Committee on clinical practice guidelines. Circulation. 2024 Jan 2;149(1):e1-156. https://www.ahajournals.org/doi/full/10.1161/CIR.0000000000001193 http://www.ncbi.nlm.nih.gov/pubmed/38033089?tool=bestpractice.com

ელექტროკარდიოგრაფიული მახასიატებლები მოიცავს: არარეგულარულად არარეგულარულ R-R ინტერვალებს (სადაც ატრიოვენტრიკულური გამტარობა არ არის დარღვეული); მკაფიო განმეორებადი P ტალღების არარსებობა; არარეგულერული წინაგულების აქტივაცია, რომელიც ცნობილია ასევე, როგორც ფიბრილაციური ტალღები.[1]Joglar JA, Chung MK, Armbruster AL, et al. 2023 ACC/AHA/ACCP/HRS guideline for the diagnosis and management of atrial fibrillation: a report of the American College of Cardiology/American Heart Association Joint Committee on clinical practice guidelines. Circulation. 2024 Jan 2;149(1):e1-156. https://www.ahajournals.org/doi/full/10.1161/CIR.0000000000001193 http://www.ncbi.nlm.nih.gov/pubmed/38033089?tool=bestpractice.com

წინაგულების ახლადდაწყებული ფიბრილაცია განისაზღვრება, როგორც წინაგულების ფიბრილაციის ახალი გამოვლინება ან პირველად აღმოჩენილი ეპიზოდი, მიუხედავად იმისა, სიმპტომატურია თუ არა. ეს თემა კონცენტრირებული იქნება წინაგულების ახალგამოვლენილ ფიბრილაციაზე არა-სარქვლოვანი და არა-ქირურგიული მდგომარეობების შემთხვევაში. პაროქსიზმული და უსიმპტომო ახლადდაწყებული წინაგულების ციმციმის შესახებ დამატებითი ინფორმაციისთვის იხილეთ დადგენილი წინაგულების ფიბრილაცია.