ვირუსული მენინგიტი

შემთხვევის ანამნეზი #1

19 წლის მამაკაცი წარმოდგენილია თავის ტკივილისა და გულისრევის 2-დღიანი ანამნეზით. იგი აღნიშნავს, რომ კაშკაშა სინათლე თვალებს ტკენს. წარსული სამედიცინო ანამნეზი სხვამხრივ უმნიშვნელოა, პაციენტი არ იღებს რაიმე მედიკამენტს და არ აღნიშნავს მედიკამენტურ ალერგიებს. იგი მუშაობს ბიბლიოთეკაში და არ უმოგზაურია უცხოეთში ბოლო წლის განმავლობაში. პაციენტი ცხოვრობს მეგობარ გოგონასთან ერთად, რომელსაც ბოლო 2 წელია ხვდება. სახლში წყვილს ზაზუნა ჰყავს.

შემთხვევის ანამნეზი #2

მშობლებმა მოიყვანეს 2 წლის ბავშვი, რომელიც ბოლო 1 დღეა ავადაა. ვლინდება გაღიზიანებადობა, ღებინება და ცხელება. ბავშვს აქვს გავრცელებული მაკულოპაპულური გამონაყარი.

სხვა გამოვლინებები

ვირუსული მენინგიტის სიმპტომები და ნიშნები წააგავს ბაქტერიულ მენინგიტს, ამიტომ კლინიკურად ამ ორი ეტიოლოგიის განსხვავება შეუძლებელია.[1]Mount HR, Boyle SD. Aseptic and bacterial meningitis: evaluation, treatment, and prevention. Am Fam Physician. 2017 Sep 1;96(5):314-22. http://www.ncbi.nlm.nih.gov/pubmed/28925647?tool=bestpractice.com ბაქტერიული მენინგიტის შესახებ დეტალური ინფორმაციისთვის იხ. ბაქტერიული მენინგიტი მოზრდილებში და მენინგოკოკური დაავადება.

ტიპურ შემთხვევებში გამოხატულია თავის ტკივილი და ცხელება.[2]Sawyer MH. Enterovirus infections: diagnosis and treatment. Pediatr Infect Dis J. 1999 Dec;18(12):1033-9. http://www.ncbi.nlm.nih.gov/pubmed/10608620?tool=bestpractice.com [3]McGill F, Heyderman RS, Michael BD, et al. The UK joint specialist societies guideline on the diagnosis and management of acute meningitis and meningococcal sepsis in immunocompetent adults. J Infect. 2016 Apr;72(4):405-38. https://www.journalofinfection.com/article/S0163-4453(16)00024-4/fulltext http://www.ncbi.nlm.nih.gov/pubmed/26845731?tool=bestpractice.com პაციენტები ასევე შეიძლება უჩიოდნენ ფოტოფობიას, კისრის გაშეშებას და გულისრევას.[4]Centers for Disease Control and Prevention. Viral meningitis. May 2021 [internet publication]. https://www.cdc.gov/meningitis/viral.html ასევე შეიძლება განვითარდეს სხვა არასპეციფიკური სიმპტომები, როგორიცაა დიარეა და ღებინება, მიალგია და ყელის ტკივილი.[3]McGill F, Heyderman RS, Michael BD, et al. The UK joint specialist societies guideline on the diagnosis and management of acute meningitis and meningococcal sepsis in immunocompetent adults. J Infect. 2016 Apr;72(4):405-38. https://www.journalofinfection.com/article/S0163-4453(16)00024-4/fulltext http://www.ncbi.nlm.nih.gov/pubmed/26845731?tool=bestpractice.com შეიძლება გამოვლინდეს გამონაყარიც. მცირეწლოვან ბავშვებში გამოვლინება შეიძლება არასპეციფიკური იყოს, რის გამოც მენინგიტზე ეჭვს არ მიიტანენ.[5]Dagan R, Jenista JA, Menegus MA. Association of clinical presentation, laboratory findings, and virus serotypes with the presence of meningitis in hospitalized infants with enterovirus infection. J Pediatr. 1988 Dec;113(6):975-8. http://www.ncbi.nlm.nih.gov/pubmed/2848117?tool=bestpractice.com ბავშვებში შეიძლება განვითარდეს გულყრებიც, რაც აუცილებლად არ მიანიშნებს ენცეფალიტის არსებობაზე. მოლარეტის მენინგიტი არის კეთილთვისებიანი, განმეორებითი მენინგიტი, რომელიც სავარაუდოდ მეორე ტიპის ჰერპესვირუსითაა გამოწვეული.