შემთხვევის ანამნეზი
შემთხვევის ანამნეზი
75 წლის მამაკაცს აღენიშნა მწვავე ინსულტი მარჯვენამხრივი ჰემიპარეზის განვითარებით და შეცვლილი მენტალური სტატუსის თანხლებით. ჰოსპიტალიზაციის მომდევნო ორი დღის შემდეგ მას აღენიშნა ხველა და გულმკერდის მარჯვენამხრივი პლევრიტული ტკივილი. აგრეთვე აღინიშნა ტაქიკარდია, ტაქიპნოე და სხეულის ტემპერატურის მატება 38.8°C-მდე (102°F). სუნთქვისას შეიგრძნობა ავსუნიანობა. გასინჯვისას აღინიშნა ეგოფონია, სუნთქვითი ხმიანობის დაქვეითება, აგრეთვე ყრუ ხმა პერკუსიის დროს ფილტვის მარჯვენა ქვედა ველზე.[Figure caption and citation for the preceding image starts]: მარჯვენა ზედა წილის ადრეული სუსტად გამოხატული დაჩრდილვა ჰორიზონტალური ნაპრალის თავზე შეესაბამება ასპირაციული პნევმონიისთვის დამახასიათებელ ადრეულ ცვლილებებს.გამოყენებულია დ-რ როი ჰამონდის კეთილი თანხმობით [Citation ends].
[Figure caption and citation for the preceding image starts]: მარჯვენა პერიჰილარული რეგიონის და მარჯვენა ქვედა და ზედა წილების ზედა სეგმენტის გაზრდილი დაჩრდილვა შეესაბამება გაუარესებით მიმდინარე ასპირაციულ პნევმონიას.გამოყენებულია დ-რ როი ჰამონდის კეთილი თანხმობით [Citation ends].
სხვა გამოვლინებები
ასპირაციული პნევმონია უფრო ხშირად უვითარდება ხანდაზმულ პირებს ისეთი კომორბიდული მდგომარეობებით, რომელნიც განაპირობებს მენტალური სტატუსის ცვალებადობას. აღნიშნული პოპულაცია მოიცავს პაციენტებს, რომელთაც აღენიშნება ყლაპვის დისფუნქცია, გასტროეზოფაგური შეერთების დესტრუქცია, ან ზედა სასუნთქი გზების ან საჭმელის მომნელებელი ტრაქტის ანატომიური ანომალიები. გარდა ამისა, რისკის ქვეშ იმყოფებიან პაციენტები, რომელთაც უტარდება ზედა სასუნთქი გზების გამოკვლევა, მათ შორის ენდოსკოპიური პროცედურები. ნებისმიერი სიტუაცია, როდესაც აღინიშნება მენტალური სტატუსის ცვლილება და სასუნთქი გზების დამცავი მექანიზმების მოშლა, როგორიცაა, მაგალითად, გულყრები, აყენებს პაციენტს ასპირაციის რისკის ქვეშ. ნაზოგასტრალური მილი ან პერკუტანეული ენდოსკოპიური გასტროტომია არ უზრუნველყოფს დაცვას პირის კოლონიზებული სეკრეციისგან და ზრდის ასპირაციის რისკს.[8]
ამ მასალის გამოყენება ექვემდებარება ჩვენს განცხადებას