კრიტერიუმები
ტოქსინის ამოცნობა
ზღვის ტოქსინთან კონტაქტის გავლენა მოსახლეობის ჯანმრთელობაზე საჭიროებს გამოკვლევას კონკრეტული ტოქსინის და ტოქსინის წყაროს ამოსაცნობად და შემდგომი კონტაქტის აღმოსაფხვრელად. სპეციფიკური ამოცნობა, ჩვეულებრივ, ხდება მასური სპექტროსკოპიით.
პარალიზური მოლუსკით მოწამვლა[31]
A. დიაგნოზის კლინიკური კრიტერიუმები: ნევროლოგიური სიმპტომების გამოვლინება (მაგალითად, პარესთეზია, ატაქსია, კრანიალური ნერვების დარღვევები, დამბლა); შეიძლება არ გამოვლინდეს ან გამოვლინდეს გასტროინტესტინურ ტრაქტთან დაკავშირებული სიმპტომები; სიმპტომები ვითარდება მოლუსკის მიღებიდან წუთების/საათების შემდეგ.
B. დიაგნოზის ლაბორატორიული კრიტერიუმები: საქსიტოქსინის ამოცნობა/იდენტიფიცირება ეპიდემიოლოგიურად მითითებულ საკვებში.
C. შემთხვევის განსაზღვრება - შესაძლო: კლინიკურად თავსებადი შემთხვევა, რომელიც არ არის ლაბორატორიულად დადასტურებული და ეპიდემიოლოგიურად დაკავშირებული დადასტურებულ შემთხვევასთან. დადასტურებული: შემთხვევა, რომელიც ლაბორატორიულად დადასტურებულია ან შემთხვევა, რომელიც აკმაყოფილებს კლინიკური შემთხვევის განსაზღვრებას, არ არის ლაბორატორიულად დადასტურებული და ეპიდემიოლოგიურად დაკავშირებულია ლაბორატორიულად დადასტურებულ შემთხვევასთან.
ამ მასალის გამოყენება ექვემდებარება ჩვენს განცხადებას