შემთხვევის ანამნეზი
შემთხვევის ანამნეზი
69 წლის მამაკაცი აღწერს მოძრაობის შენელების და ხელის მოძრაობის გართულების 1-წლიან ანამნეზს. მისი დაწერილი ასოები პატარა ზომისაა. მეუღლე ამბობს, რომ გამომეტყველება ნაკლებად ექსპრესიული გახდა და ხმა დაურბილდა. ბოლო რამდენიმე თვეა აწუხებს მსუბუქი ტრემორი მარჯვენა ხელში, შენიშნა ტელევიზორის ყურების დროს. სიმპტომები განვითარდა თანდათან, თუმცა მსუბუქი პროგრესირებით. სხვამხრივ ანამნეზი უმნიშვნელოა. ბოლო 2 წლის განმავლობაში ჰქონდა მსუბუქი დეპრესია და ყაბზობა. გასინჯვით ვლინდება ჰიპოფონია, სახის გამომეტყველების "შენიღბვა", წამწამების დახამხამების გაიშვიათება, მიკროგრაფია, მსუბუქი მარჯვენამხრივი ბრადიკინეზია და რიგიდულობა. სიარულის დროს ემჩნევა ხანგამოშვებითი, მოსვენებითი ტრემორი ზედა მარჯვენა კიდურზე. გასინჯვის დანარჩენი ნაწილი და თავის ტვინის მაგნიტურ-რეზონანსული კვლევა ნორმაშია.
სხვა გამოვლინებები
პარკინსონის დაავადება მრავალფეროვნად შეიძლება გამოვლინდეს. ბრადიკინეზიის არსებობის ძირითადი მახასიათებლები სულ მცირე ერთი მოსვენების ტრემორით ან სიმტკიცით შეიძლება მოხდეს სხვადასხვა კომბინაციებში და თანმიმდევრობით დაავადების მიმდინარეობისას. როგორც წესი, ნიშნები და სიმპტომები ასიმეტრიულია. ბრადიკინეზია და რიგიდულობა დაავადების დასაწყისში ხშირად გვხვდება მსუბუქი სახით. მაგალითად, ხელის რხევის შემცირება, სიარულის არევა, დარბილებული ხმა, დახამხამების სიხშირის დაქვეითება, სახის ექსპრესიულობის დაქვეითება და სპონტანური მოძრაობის დაქვეითება ყველა პარკინსონიზმის ნიშანია. PD-ს არამოტორული სიმპტომები, როგორიცაა დეპრესია, შფოთვა, დაღლილობა, ავტონომიური დისფუნქცია (მაგ., ორთოსტატული ჰიპოტენზია, ყაბზობა, შეუკავებლობა, დისფაგია) და ძილის დარღვევა, შეიძლება წინ უსწრებდეს მოტორული სიმპტომების განვითარებას. არასპეციფიკურობის გამო, აღნიშნული სიმპტომების დაკავშირება პარკინსონიზმთან შესაძლებელია მხოლოდ მოტორული სიმპტომების განვითარების შემდეგ.
ამ მასალის გამოყენება ექვემდებარება ჩვენს განცხადებას