ეპიდემიოლოგია

ორგანიზაციული პნევმონიის ინციდენტობა გარკვეულწილად უცნობია და ეს რიცხვი ხშირად რეესტრებიდან დგინდება, რაც დაავადების სიხშირის გადაჭარბებულ შეფასებას შეიძლება იწვევდეს. ინციდენტობა სავარაუდოდ 0.5-დან 1.5-მდე მერყეობს ყოველ 100 000 პაციენტზე.[31][32] ორგანიზაციული პნევმონიის ინციდენტობა შეფასებულია, როგორც 1,97 შემთხვევა 100,000 მოსახლეზე ისლანდიაში, ხოლო დანარჩენ მსოფლიოში 0,2-დან 1,45 შემთხვევა 100,000 მოსახლეზე ან ითვლება, რომ აღინიშნება ფილტვის ინტერსტიციული დაავადების მქონე იმ პაციენტების 5%-ში, რომლებიც აღრიცხულნი არიან ამ რეესტრებში.[31] ის ფაქტი, რომ მონაცემები მიღებულია რეესტრებიდან, შეიძლება იყოს გარკვეული უზუსტობის მიზეზი. ინციდენტობის მაჩვენებელი მსოფლიოს მასშტაბით მნიშვნელოვნად არ განსხვავდება.[33] ორგანიზაციული პმევმონია თანაბრად ვლინდება მამაკაცებსა და ქალებში და არ არის დაკავშირებული მოწევასთან. ისლანდიის მონაცემთა ბაზაში, კრიპტოგენური ორგანიზაციული პმევმონიის ინციდენტობა იყო 1.1 შემთხვევა 100,000-ზე, ხოლო მეორეული ორგანიზაციული პმევმონიის ინციდენტობა კი 0,87 შემთხვევა 100,000-ზე.[31] მსგავსი ტენდენცია ისახება იტალიურ კვლევაშიც.[34] თუმცა, სხვა კვლევებში მეორეული ორგანიზაციული პმევმონის ინციდენტობა იყო ორგანიზაციული პმევმონიით დაავადებულთა საერთო რაოდენობის 87%.[35] აღსანიშნავია, რომ ჩინურ კვლევაში, ყველა პაციენტს შემდგომი მონიტორინგის ფარგლებში ჰქონდა სატელეფონო ზარები კვლევაში ჩართვის შემდეგ 4 წლის განმავლობაში, ხოლო თავდაპირველად კრიპტოგენურ ორგანიზაციულ პმევმონიად კლასიფიცირებული დიაგნოზის მქონე პაციენტთა 4%-ს დიაგნოზი გადაკლასიფიცირებული ჰქონდა მეორეულ ორგანიზაციულ პმევმონიად.[36]

ამ მასალის გამოყენება ექვემდებარება ჩვენს განცხადებას