დიფერენციული დიაგნოზები
მეტაბოლური აციდოზის შედეგად განვითარებული ჰიპერვენტილაცია
ნიშნები / სიმპტომები
დიაბეტური და სხვა ეტიოლოგიის (მაგ: ასპირინით ინტოქსიკაცია) კეტოაციდოზს ახასიათებს გაძნელებული (კუსმაულის) სუნთქვა.
კვლევები
არტერიული სისხლის აირების ანალიზით ვლიინდება მეტაბოლურ აციდოზი (დაბალი pH, დაბალი ბიკარბონატი) და ჰიპერვენტილაცია (დაქვეითებული PaCO2). პულსოქსიმეტრია გვიჩვენებს ჟანგბადით ნორმალურ გაჯერებას.
შფოთვის ფონზე განვითარებული ჰიპერვენტილაცია
ნიშნები / სიმპტომები
პანიკის მწვავე შეტევა და სხვა ფორმის შფოთვა ხშირად ვლინდება გამოხატული სუნთქვის დარღვევით, რაც ხასითდება "ჰაერის უკმარისობით" ან დისპნოეთი.
კვლევები
არტერიული სისხლის აირების ანალიზი გვიჩვენებს რესპირატორულ ალკალოზს მომატებული pH-ით და დაქვეითებული PaCO₂-ით. პულსოქსიმეტრია გვიჩვენებს ჟანგბადით ნორმალურ გაჯერებას.
ძილის აპნოე
ნიშნები / სიმპტომები
ძილის გამოხატულ აპნოეს შესაძლოა ახლდეს ჰიპოვენტილაცია და გახანგრძლივებული აპნოეს პერიოდები ძილის დროს.
კვლევები
აპნოეს პერიოდების განმავლობაში არტერიული სისხლის აირების ანალიზით შესაძლოა გამოვლინდეს დაქვეითებული PaO₂ და მომატებული PaCO₂, ხოლო პულსოქსიმეტრიიით - ჰიპოქსია. სიფხიზლისა და ყოვლედღიური რუტინით სტიმულაციის დროს არტერიული სისხლის აირები ნორმაშია. ძილის აპნოეს დიაგნოსტირება ხდება ძილის ფორმალური კვლევის შედეგად.
სიმსუქნე
ნიშნები / სიმპტომები
გამოხატულ სიმსუქნეს შესაძლოა ახლდეს ჰიპოვენტილაცია და გახანგრძლივებული აპნოეს პერიოდები ძილის დროს.
კვლევები
აპნოეს პერიოდების განმავლობაში არტერიული სისხლის აირების ანალიზით შესაძლოა გამოვლინდეს დაქვეითებული PaO₂ და მომატებული PaCO₂, ხოლო პულსოქსიმეტრიიით - ჰიპოქსია. სიფხიზლისა და ყოვლედღიური რუტინით სტიმულაციის დროს არტერიული სისხლის აირები ნორმაშია.
ამ მასალის გამოყენება ექვემდებარება ჩვენს განცხადებას