სუნთქვის მწვავე უკმარისობა

ჰიპოქსია

ჰიპოქსიური რესპირატორული უკმარისობის დიაგნოზი დგინდება ფილტვის ქრონიკული დაავადების გარეშეც, როდესაც ოთახის ჰაერზე ვლინდება:

• პულსოქსიმეტრია 92%-ზე ნაკლები ან

• თავდაპირველი პულსოქსიმეტრია <80%-ზე.

სუნთქვის მძიმე უკმარისობა დიაგნოსტირდება, როდესაც არტერიული სისხლის აირების ანალიზით ვლინდება ჟანსგბადის პარციალურ წნევა (PaO₂) <8 კპა (<60 მმ.ვწყ.სვ.) ოთახის ჰაერზე.[43]Moss M, Ingram RH. Respiratory failure. In: Dale DC, ed. ACP medicine. New York, NY: WebMD Professional Publishing; 2007:2719-29.

ფილტვის ქრონიკული დაავადების დროს პაციენტებს შესაძლოა ჰქონდეთ დაბალი პულსოქსიმეტრიული მაჩვენებლები და 50 მმ.ვწყ.სვ. საბაზისო PaO2, რაც აძნელებს გაუარესებული ჰიპოქსიის ამოცნობას. ძირითადი ოქსიგენაციის 10%-ით დაქვეითება შესაძლოა მიუთითებდეს სუნთქვის უკმარისობის განვითარებაზე პაციენტებში, რომელბსაც აქვთ ფილტვების ქრონიკული დაავადება.

ჰიპერკაპნია

ჰიპერკაპნიური რესპირატორული უკმარისობის დიაგნოსტიკა ფილტვის ქრონიკული დაავადების არმქონე პაციენტებში შესაძლებელია, როდესაც ვლინდება ჰიპოქსია და:

• არტერიული PaCO₂- ის მწვავე მომატება> 6.0 -დან 6.7 კპა-მდე (> 45 დან 50 მმ.ვწყ.სვ.-მდე), და

• ასოცირებული აციდოზი (pH <7.35).[43]Moss M, Ingram RH. Respiratory failure. In: Dale DC, ed. ACP medicine. New York, NY: WebMD Professional Publishing; 2007:2719-29.

ფილტვების ქრონიკული დაავადების მქონე პაციენტებმა შესაძლოა აიტანონ 80 მმ.ვწყ.სვ.-მდე PaCO2 თირკმელების მეორადი კომპენსაციით. თუმცა, ამ პაციენტებში მზარდი აციდოზი (კლებადი pH) მიუთითებს სუნთქვის უკმარისობაზე.