გართულებები
თუ პნევმოთორაქსი დიდი ზომისაა და 72 საათზე მეტხანს გრძელდება, პლევრის ღრუს გათავისუფლების შემდეგ არსებობს გაშლის შემდგომი შეშუპების განვითარების თეორიული რისკი. იგი შეიძლება ასევე განვითარდეს იფსილატერალურ ფილტვში პლევრის ღრუდან ჰაერის ევაკუაციის დროს ან უშუალოდ ევაკუაციის შემდეგ. ამასთან ერთად, ფილტვის შეშუპება შეიძლება კონტრალატერალურ ფილტვშიც გაჩნდეს. შეშუპება 24-დან 48 საათამდე შეიძლება გაგრძელდეს. ალაგება, ჩვეულებრივ, პირველი 48 საათის განმავლობაში ხდება.
ამის ზუსტი მექანიზმი უცნობია. ფილტვის გაშლის დროს მექანიკურმა ტრავმამ შესაძლოა დააზიანოს ფილტვის კაპილარები და ფილტვის შეშუპება გამოიწვიოს. რეპერფუზიურმა ტრავმამ თავისუფალი რადიკალების წარმოქმნით შეიძლება ასევე მნიშვნელოვანი როლი ითამაშოს.[89]
იგი სხვადასხვა ხარისხის ჰიპოქსემიასთან და ჰიპოტენზიასთან არის დაკავშირებული, რაც ზოგჯერ მოითხოვს ინტუბაციას და მექანიკურ ვენტილაციას და ხანდახან სიკვდილით მთავრდება.[51] ვინაიდან უცნობია, თუ რა დონის ინტრაპლევრული წნევა იწვევს ფილტვის გაშლის შემდგომ შეშუპებას, ბევრი კლინიცისტი შეცდომას უშვებს პაციენტის უსაფრთხოებასთან დაკავშირებით და გულმკერდის ზონდებს უერთებს წყლით დალუქვის და არა ამოტუმბვის მოწყობილობას. თუ წყლით დალუქვის მოწყობილობით ფილტვი ბოლომდე არ იშლება, შესაძლებელია უარყოფითი წნევით (მაღალი მოცულობის უარყოფითი წნევის მოწყობილობით) ამოტუმბვის დამატება.
ამ მასალის გამოყენება ექვემდებარება ჩვენს განცხადებას