გართულებები
პაციენტების 15% აქვს ელვისებრი ან მძიმე კოლიტი.[117]
ტოქსიკური მეგაკოლონის სიხშირე წყლულოვანი კოლიტის მქონე პაციენტებში არის 1%-დან 2.5%-მდე, რასაც თან ახლავს პერფორაციისა და სიკვდილის რისკიც.[118]
მკურნალობა ითვალისწინებს მხარდამჭერ ღონისძიებებს, სამკურნალო შიმშილს (ნაწლავის განტვირთვა) და ფართო სპექტრის ანტიბიოტიკებს.
თუ 24-48 საათის განმავლობაში პაციენტი არ რეაგირებს, ნაჩვენებია კოლექტომია.
წყლულოვანი კოლიტის მქონე პაციენტების სიკვდილობის 50% დაკავშირებულია პერფორაციასთან, პერიტონიტით.
ციტომეგალოვირუსმა და Clostridium difficile -მ შეიძლება გაართულოს წყლულოვანი კოლიტი. ბიოფსიაზე კოუდრის ჩანართები ტიპიურია CMV კოლიტისთვის.
CMV მკურნალობა ხდება სისტემური თერაპიის მეშვეობით, განციკლოვირით, ვალგანციკლოვირით, ფოსკარნეტით ან ციდოფოვირით, 4-6 კვირის განმავლობაში.
მასიურ ჰემორაგიას ადგილი აქვს 3% პაციენტებში.
მკურნალობა მოიცავს დამხმარე თერაპიას და სისხლის გადასხმას. შეიძლება საჭირო გახდეს გადაუდებელი კოლექტომია
უვითარდება წყლულოვანი კოლიტის მქონე პაციენტების 3%-5%-ს. რისკი იზრდება დაავადების ხანგრძლივობასთან ერთად. რისკი უფრო დიდია, ახალგაზრდა ასაკში ავადმყოფობის დაწყების, დაავადების უფრო ხანგრძლივი არსებობის, პირველადი მასკლეროზებელი ქოლანგიტის არსებობის და მსხვილი ნაწლავის დაზიანების უფრო დიდი მასშტაბის დროს.
ხანგრძლივი კოლიტის მქონე პაციენტები კოლორექტული ნაწლავის კარცინომის 5-10-ჯერ უფრო დიდ რისკს ექვემდებარებიან, ვიდრე იმავე ასაკის საკონტროლო ჯგუფის პაციენტები.
კვლევების მიხედვით, კოლიტის შემთხვევაში კოლორექტული ნაწლავის კარცინომის სიხშირე მცირდება.[119][120] ეს შეიძლება განპირობებული იყოს მესალაზინით შემანარჩუნებელი მკურნალობით. პრეპარატები, რომლებსაც დამცავი მოქმედება აქვთ, მოიცავს ციკლოოქსიგენაზა2-ის ინჰიბიტორებს და ურსოდეოქსიქოლმჟავას (ურსოდიოლს) წყლულოვანი კოლიტის მქონე პაციენტებისთვის, რომელთაც აქვთ პირველადი მასკლეროზებელი ქოლანგიტი. დადგენილია, რომ რისკს ამცირებს 5-ამინოსალიცილატის ნაერთებიც.[121][122][123]
კეთილთვისებიანი სტრიქტურა იშვიათად იწვევს ნაწლავების ობსტრუქციას.
ფსევდოპოლიპები წარმოადგენს მსხვილი ნაწლავის ინტაქტური ლორწოვანი გარსის არასწორი ფორმის გროვებს, რომლებიც ლორწოვანი გარსის დაწყლულების და რეგენერაციის შედეგად წარმოიშობა.
პოლიპები, როგორც წესი, მრავლობითია და გაფანტულია მსხვილ ნაწლავში, კოლიტის მთელს უბანზე. მათი ამოცნობა შეიძლება ჰისტოლოგიური მახასიათებლების მიხედვით. დიაგნოზის დასასმელად შეიძლება გამოსადეგი იყოს ბიოფსია.
ისინი არაა დისპლაზიური და არ წარმოადგენს მსხვილი ნაწლავის კიბოს რისკ-ფაქტორს. თუმცა, პოლიპების არსებობა ართულებს ჭეშმარიტი ადენომების ამოცნობას და დისპლაზიური დაზიანებების/წარმონაქმნების იდენტიფიცირებას.
პირველადი მასკლეროზებელი ქოლანგიტი არის უცნობი ეტიოლოგიის პროგრესირებადი ქრონიკული დარღვევა, რომელიც ხასიათდება ანთებით, ფიბროზით და საშუალო და დიდი ზომის სადინრების სტრიქტურით ღვიძლშიდა და ღვიძლგარე სანაღვლე სადინრებში.
წყლულოვანი კოლიტის მქონე პაციენტების 3%-7% უვითარდება პირველადი მასკლეროზებელი ქოლანგიტი.[125]
პირველადი მასკლეროზებელი ქოლანგიტის მქონე პაციენტების 70%-ზე მეტს აქვს შესაბამისი წყლულოვანი კოლიტი.[126]
ღვიძლის ტესტები უნდა ჩატარდეს ყოველწლიურად და პირველადი მასკლეროზებელი ქოლანგიტის არსებობის შესაძლებლობა განიხილება ანომალური შედეგების შემთხვევაში.
ზოგიერთ პაციენტს UC-ით, რომლებსაც აქვთ დისპლაზია დაკავშირებული არაადენომის მსგავს DALM-თან, შეიძლება ინვაზიური კარცინომა ჰქონდეს. ეს შეიძლება არ დაფიქსირდეს ენდოსკოპიური ბიოფსიით და საჭიროებს კოლექტომიას (ქირურგიული ნიმუშების 60%-ში).
აღნიშნულის დიფერენცირებისათვის შესწავლილია ზოგიერთი კლინიკური, ჰისტოლოგიური და მოლეკულური მახასიათებელი. პაციენტები არაადენომის მსგავსი DALM-ით: უფრო ახალგაზრდები არიან და აქვთ დაავადების უფრო ხანგრძლივი მიმდინარეობა, უფრო გავრცობილი დაავადება და უფრო დიდი დაზიანებები (1 კვლევის მიხედვით 1,8 სმ 0,5 სმ-ის წინააღმდეგ); აქვთ დაზიანებები, რომლებიც ენდოსკოპურად ვლინდება ადენომების სახით (პედუნკულირებული ან მჯდომარე), ვიდრე სხვა მახასიათებლებით (მაგ. ბრტყელი, წყლულოვანი ან ფოლაქის მაგვარი გამოვლინება); აქვს ხელსაყრელი პროგნოზი ენდოსკოპიურად მოკვეთის და შემდგომი ახლო მეთვალყურეობის შემთხვევაში.[124]
ამ მასალის გამოყენება ექვემდებარება ჩვენს განცხადებას