შემთხვევის ანამნეზი
შემთხვევის ანამნეზი #1
35 წლის ქალბატონი, რომელიც ცხოვრობს კონექტიკუტის სანაპირო რაიონში, აგვისტოში პოულობს ტკიპას, რომელიც მიმაგრებულია მისი მუხლის უკანა მხარეზე. მისი პირველადი სამედიცინო დახმარების მიმწოდებელი აშორებს ტკიპას, აღნიშნავს, რომ ეს არის Ixodes scapularis nymph გამძღარი ნიმფა და აძლევს მას დოქსიციკლინის 1 დოზას ლაიმის დაავადების პროფილაქტიკისთვის. ორი კვირის შემდეგ ქალს თანდათანობით ეწყება შეუძლოდ ყოფნა და დაღლილობა, რასაც მოჰყვა ცხელება. ის ისევ აკითხავს პირველადი ჯანდაცვის მიმწოდებელს, რომელიც ნიშნავს FBC, ღვიძლის პროფილს და სეროლოგიას Borrelia burgdorferi და Anaplasma phagocytophilum ანტისხეულებზე და იღებს გიმზას წესით შეღებილ თხელ სისხლის ნაცხს. სისხლის ნაცხი ავლენს მცირე, ინტრაერითროციტულ რგოლის ფორმის წარმონაქმნებს, რომლებიც შეესაბამება Babesia microti-ის. პაციენტი იღებს აზითრომიცინის და ატოვაკვონის 7-დღიან კურსს, სიმპტომების სრული ალაგებით. Borrelia burgdorferi და Anaplasma phagocytophilum ანტისხეულები არ არის გამოვლენილი.
შემთხვევის ანამნეზი #2
65 წლის მამაკაცი, რომელიც ცხოვრობს ნანტაკეტში, მასაჩუსეტსი, და იღებს რიტუქსიმაბს ლიმფომის გამო, შემოდის მისი ადგილობრივი საავადმყოფოს გადაუდებელ განყოფილებაში ჩივილით ცხელებაზე და ძლიერ შემცივნებაზე 2 დღის განმავლობაში. მას აღენიშნება მძიმე ანემია, პროტეინურია და ჰემოგლობინურია. პაციენტი ჰოსპიტალიზირებულია და დაწყებულია ფართო სპექტრის ანტიბიოტიკები სავარაუდო ბაქტერიული ინფექციის გამო. მალევე ჰოსპიტალიზაციის შემდეგ მას უვითარდება რესპირატორული უკმარისობა, რომელიც საჭიროებს მექანიკურ ვენტილაციას. 2-ე დღეს მიღებულ სისხლის ნაცხზე გამოვლინდა რგოლის ფორმის ინტრა-ერითროციტული სტრუქტურები 20% პარაზიტემიით. პაციენტი რამდენიმე წლის მანძილზე ნანტაკეტიდან არ გასულა. დაწყებულია ბაბეზიოზის მკურნალობა ინტრავენურად კლინდამიცინით და პერორალურად ქინინით, პაციენტი ასევე იღებს გაცვლით ტრანსფუზიებს. პარაზიტემია მცირდება და პაციენტი მე-4 დღისთვის აღარ საჭიროებს მექანიკურ ვენტილაციას. 14 დღის შემდეგ გაწერეს სახლში, მაგრამ მისი ამბულატორიული კურსი გართულდა მორეციდივე პარაზიტემიით, რომელიც საჭიროებს ანტიბაქტერიული მკურნალობის დამატებით კურსებს.
სხვა გამოვლინებები
Babesia microti ინფექციების უმეტესობა ახალგაზრდა ჯანსაღ ადამიანებში სუბკლინიკურია ან მსუბუქია და, სავარაუდოდ, ხშირად მიმდინარეობს დიაგნოსტირების გარეშე. იმის გამო, რომ არ გამაძღარი Ixodes scapularis ნიმფები საკმაოდ მცირე ზომისაა (2 მმ), პაციენტების უმეტესობა ვერ იხსენებს ტკიპის ნაკბენს.
კლინიკური ინფექციები უფრო ხშირია ასპლენიურ პაციენტებში, თანმდევი ლაიმის დაავადების მქონე პაციენტებში, იმუნოსუპრესიის მქონე პაციენტებში (აივ ინფექციის გამო ან მედიკამენტოზური), ან ხანდაზმულ პაციენტებში. სიმპტომები თავს იჩენს 1-დან 4 კვირამდე ტკიპის ნაკბენის შემდეგ სისუსტის, დაღლილობის, მიალგიების, ართრალგიების, კანკალის და შემცივნების თანდათანობითი დაწყებით.[5] მდგრადი ან წყვეტილი ცხელება შეიძლება განვითარდეს სიმპტომების დაწყებიდან 1 კვირის განმავლობაში. ნაკლებად ხშირი სიმპტომები მოიცავს ანორექსიას, ღებინებას, ხველას, მუცლის ტკივილს, ფოტოფობიას, კონიუნქტივიტს და ყელის ტკივილს.[6]
მანიფესტაციები, როგორიცაა ჰემოლიზური ანემია ან თრომბოციტოპენია შეიძლება იყოს მძიმე ან სიცოცხლისათვის საშიში და დაავადება შეიძლება იშვიათად ასევე ფატალური იყოს. გართულებები მოიცავს მწვავე რესპირატორულ უკმარისობას, დისემინირებულ ინტრავასკულარულ კოაგულაციას, გულის შეგუბებით უკმარისობას, კომას, თირკმლის უკმარისობას, ელენთის გაგლეჯას და ინფარქტს.[6][7]
Babesia divergens გამოწვეული ინფექციას, რომელიც უფრო ხშირად გვხვდება ევროპაში, ადგილი აქვს ძირითადად ასპლენიურ პაციენტებში და ყოველთვის ელვისებურია და ჰემოლიზით მიმდინარეობს.[8] უფრო იშვიათ სახეობებით გამოწვეული ინფექციები, როგორიცაა Babesia duncani, MO-1 და CA-1, ასევე ელვისებურია.[4]
ამ მასალის გამოყენება ექვემდებარება ჩვენს განცხადებას