პოდაგრა

საჭიროა პაციენტების მონიტორინგი განმეორებითი შეტევების აღმოსაჩენად, ტოფუსების ჩამოყალიბების დასადგენად და რადიოგრაფიული ცვლილებების მონიტორინგის მიზნით.

შარდმჟავას დამაქვეითებელი აგენტების მიღების შემთხვევაში, თავდაპირველად რეკომენდებულია შარდმჟავას კონტროლი 1-3 თვეში ერთხელ, შემდეგ კი 6 თვეში ერთხელ (სამიზნე <360 მიკრომოლი/ლ ან <6 მგ/დლ). დიდ ბრიტანეთში, შრატში ურატის დონის ყოველწლიური მონიტორინგი რეკომენდირებულია პოდაგრით დაავადებული პაციენტებისთვის, რომლებიც აგრძელებენ ურატ-დამაქეითებელ თერაპიას შრატში სამიზნე ურატის დონის მიღწევის შემდეგ.[53]National Institute for Health and Care Excellence. Gout: diagnosis and management. Jun 2022 [internet publication]. https://www.nice.org.uk/guidance/ng219

რეკომენდებულია ანთების საწინააღმდეგო არასტეროიდული პრეპარატების და კოლხიცინის გვერდითი ეფექტების მონიტორინგი, განსაკუთრებით ხანგრძლივი გამოყენების შემთხვევაში. ანთების საწინააღმდეგო არასტეროიდული პრეპარატების, კოლხიცინის და ალოპურინოლის შემთხვევაში 3-6 თვეში ერთხელ რეკომენდებულია სისხლის საერთო ანალიზი, თირკმლის ფუნქციური ტესტები და ღვიძლის ფუნქციური სინჯი.

ალოპურინოლის დაწყებისას პაციენტები უნდა იმყოფებოდნენ მკაცრ მონიტორინგზე მედიკამენტებით გამოწვეული ჰიპერმგრძნობელობის სინდრომზე (ცხელება, ეოზინოფილია, გავრცელებული გამონაყარი, სახის შეშუპება და მულტისისტემური უკმარისობა).[138]Hama N, Abe R, Gibson A, et al. Drug-induced hypersensitivity syndrome (DIHS)/drug reaction with eosinophilia and systemic symptoms (DRESS): clinical features and pathogenesis. J Allergy Clin Immunol Pract. 2022 May;10(5):1155-67.e5. https://www.doi.org/10.1016/j.jaip.2022.02.004 http://www.ncbi.nlm.nih.gov/pubmed/35176506?tool=bestpractice.com

კოლხიცინის ხანგრძლივი გამოყენება შეიძლება დაკავშირებული იყოს ნეირომიოპათიასთან. პრობენეციდის ფონზე შეიძლება მოიმატოს ნეფროლითიაზის რისკმა.[57]Hainer BL, Matheson E, Wilkes RT. Diagnosis, treatment, and prevention of gout. Am Fam Physician. 2014 Dec 15;90(12):831-6. https://www.aafp.org/afp/2014/1215/p831.html http://www.ncbi.nlm.nih.gov/pubmed/25591183?tool=bestpractice.com

ზემოთ ჩამოთვლილი მედიკამენტების უმრავლესობას, მათ შორის ალოპურინოლს, ახასიათებს მრავლობითი წამალთშორისი ურთიერთქმედებები, რის გამოც შეიძლება საჭირო გახდეს მედიკამენტების დოზების კორეგირება.