კრიტერიუმები

რევმატოლოგიის ამერიკული კოლეჯი (ACR), წინასწარი კრიტერიუმები პირველადი პოდაგრის მწვავე ართრიტის კლასიფიკაციისათვის[54]

დიაგნოზის კრიტერიუმებია:

1. დამახასიათებელი მონონატრიუმის ურატის კრისტალები სახსრის სითხეში, ან

2. დამახასიათებელი მონონატრიუმის ურატის კრისტალები ტოფუსში, ან

3. ჩამოთვლილთაგან ≥6 კრიტერიუმის არსებობა

  • მწვავე ართრიტის ერთზე მეტი შეტევის ეპიზოდი

  • მაქსიმალური ანთება ჩამოყალიბდა 1 დღის ფარგლებში

  • მონოართრიტული შეტევა, სიწითლე სახსრების ზედაპირზე

  • მტკივნეული ან შეშუპებული მეტატარზოფალანგური სახსარი

  • პირველი მეტატარზოფალანგური სახსრის ცალმხრივი შეტევა

  • კოჭის სახსრის ცალმხრივი შეტევა

  • ტოფუსი (დადასტურებული ან საეჭვო)

  • ჰიპერურიკემია

  • რენტგენოგრაფიულად ასიმეტრიული შეშუპება სახსარში

  • რენტგენოგრაფიულად ქერქქვეშა ცისტა ეროზიების გარეშე

  • მიკროორგანიზმზე უარყოფითი სახსრის კულტურა შეტევის დროს

რევმატოლოგიის ამერიკული კოლეჯი/ევროპული ლიგა რევმატიზმის წინააღმდეგ (ACR-EULAR) პოდაგრის კლასიფიკაციის კრიტერიუმები[55][56]

2015 წელს ამერიკის რევმატოლოგიის კოლეჯმა გამოაქვეყნა ახალი კლასიფიკაციის კრიტერიუმები; თუმცა, აღნიშნული კრიტერიუმების შექმნის მიზანი იყო იმ პაციენტების იდენტიფიცირება, რომლებიც ერგებოდნენ კლინიკურ კვლევაში ჩართვის საჭიროებებს. ეს კრიტერიუმები პოდაგრის დიაგნოსტიკისთვის არ შექმნილა.[55][56]

  • 2015 წლის კლასიფიკაციის კრიტერიუმების მგრძნობელობა არის 92%, ხოლო სპეციფიკურობა- 89%.

  • კრიტერიუმები მოიცავს კლინიკურ, რადიოლოგიურ და ლაბორატორიულ ნიშნებს.

  • მაქსიმალური შესაძლო ქულა არის 23, ხოლო ზღვრული ქულა- 8 ნიშნავს, რომ პაციენტს პოდაგრა აქვს.

  • კლასიფიკაციის აღნიშნული კრიტერიუმების უნიკალური მახასიათებელია უარყოფითი ქულის 2 კატეგორია. კერძოდ, თუ სინოვიური სითხე უარყოფითია მონონატრიუმის ურატის კრისტალებზე, ჯამურ ქულას აკლდება 2 ქულა. მსგავსად, თუ შრატში ურატის დონე არის <240 მიკრომოლ/ლ (<4 მგ/დლ), ჯამურ ქულას აკლდება 4 ქულა.

  • ხელმისაწვდომია ონლაინ კალკულატორები. ACR-EULAR gout classification criteria calculator Opens in new window

ამ მასალის გამოყენება ექვემდებარება ჩვენს განცხადებას