შემთხვევის ანამნეზი
შემთხვევის ანამნეზი
50 წლის მამაკაცი წარმოდგენილია შემდეგი ანამნეზით: ცხელების, თავის ტკივილის, დაღლილობის, მიალგიის და გენერალიზებული ართრალგიის უეცარი გამოვლინება. მან ზაფხულის თვეების დიდი ნაწილი შენობის გარე პირობებში გაატარა და იხსენებს კოღოს კბენის შემთხვევებს. გასინჯვისას პაციენტს აღენიშნება ცხელება, მაკულოპაპულური გამონაყარი ტანსა და კიდურებზე და ქვედა ყბის ქვეშა ლიმფადენოპათია.
სხვა გამოვლინებები
პაციენტებს შესაძლოა გამოუვლინდეთ თვალის სიმპტომები (მაგ., ტკივილი თვალის არეში, მხედველობის დარღვევები, კონიუნქტივის ჰიპერემია, მულტიფოკალური ქორიორეტინული დაზიანებები, სისხლჩაქცევა ბადურაში), ფარინგიტი, კუნთების გენერალიზებული სისუსტე, გულისრევა/ღებინება, სპლენომეგალია ან გართულებების ნიშნები და სიმპტომები, მათ შორის, პანკრეატიტი (მაგ., ტკივილი ეპიგასტრიუმის არეში), მიოკარდიტი (მაგ., დისპნოე, ტკივილი გულმკერდის არეში, გულის ფრიალი) ან ჰეპატიტი (მაგ., ტკივილი მარჯვენა ზედა კვადრანტში, სიყვითლე).
იშვიათ შემთხვევებში პაციენტებს უვითარდებათ ნეიროინვაზიური დაავადება, რომელიც შესაძლოა გამოვლინდეს ენცეფალიტის (სტუპორი, კომა), მენინგიტისა (მაგ. ფოტოფობია, კისრის კუნთების გაშეშება, კერნიგის ნიშანი, ბრუძინსკის ნიშანი) ან დასავლეთ ნილოსის პოლიომიელიტის (სინდრომი ხასიათდება მწვავე დუნე დამბლით, რომელიც წააგავს პოლიომიელიტს) სიმპტომებით.
ჰეპატიტი, პანკრეატიტი და მიოკარდიტი იშვიათი გართულებებია.
ორსულობის დროს დასავლეთ ნილოსის ვირუსით დაინფიცირებულ ქალებში აღრიცხულია თანდაყოლილი ინფექციის შემთხვევები; თუმცა ორსულობის გართულებების და ახალშობილების გამოსავალის თვალსაზრისით არასასურველი რისკი დაბალია.[2]
ამ მასალის გამოყენება ექვემდებარება ჩვენს განცხადებას