ჰიპერტენზიული კრიზი

პაციენტი შემდგომი მეთვალყურეობისთვის და არტერიული წნევის შესამოწმებლად უნდა დაბრუნდეს კონსულტაციაზე გაწერიდან 1 კვირის განმავლობაში. შემდგომი მეთვალყურეობის ვიზიტზე არტერიული წნევა სამედიცინო პროფესიონალმა უნდა შეამოწმოს ორივე მკლავზე, შესაბამისი ზომის მანჟეტის გამოყენებით. სამიზნე წნევის დონე უნდა იყოს 130/80 მმ ვწყ. სვ. ქვემოთ. რეგულარული და ხშირი შემდგომი მეთვალყურეობა (ყოველთვიურად) რეკომენდებულია სანამ არ იქნება მიღწეული არტერიული წნევის სამიზნე დინე და ჰიპერტენზიით გამოწვეული სამიზნე ორგანოების დაზიანების იდეალურად უკუგანვითარება.[51]Unger T, Borghi C, Charchar F, et al. 2020 International Society of Hypertension Global Hypertension practice guidelines. Hypertension. 2020 Jun;75(6):1334-57. https://www.ahajournals.org/doi/full/10.1161/HYPERTENSIONAHA.120.15026 http://www.ncbi.nlm.nih.gov/pubmed/32370572?tool=bestpractice.com ​ პაციენტები უნდა გამოცხადდნენ შემდგომი მეთვალყურეობის ვიზიტებზე თვეში ერთხელ ან უფრო ხშირად, სანამ არ იქნება მიღწეული არტერიული წნევის სამიზნე დონე. აღნიშნულის მიღწევის შემდეგ უნდა ჩატარდეს მონიტორინგი 3-6 თვეში ერთხელ (ან უფრო ხშირად, თანმხლები დაავადებების მიხედვით). წელიწადში ორჯერ უნდა განისაზღვროს შრატში კალიუმისა და კრეატინინის დონე. პრეეკლამფსიის მქონე პაციენტებისთვის იხილეთ პრეეკლამფსია (მონიტორინგი).