Qrip infeksiyası

Ağırlaşmamış mövsümi qrip infeksiyası

Mövsümi qrip, adətən, öz-özünə sağalan kəskin respirator xəstəlikdir, müxtəlif ştammlar yarandıqca hər il qış mövsümündə təkrar baş verir. İcmada gözlənilən 3 müxtəlif ştamma qarşı immunizasiya üçün illik qrip vaksinləri mövcuddur.[150]Influenza Vaccine 2007-2008. Med Lett Drugs Ther. 2007;49:81. http://www.ncbi.nlm.nih.gov/pubmed/17912142?tool=bestpractice.com Əgər mövsümi qripə yoluxma baş verərsə, simptomlar başlandıqdan sonra 36-48 saat ərzində virus əleyhinə preparatların təyini xəstəlik günlərinin sayını 1-2 gün qısaldır və aşağı tənəffüs yolları tərəfindən ağırlaşmaları azaldır.[124]Jefferson T, Demicheli V, Rivetti D, et al. Antivirals for influenza in healthy adults: systematic review. Lancet. 2006;367:303-313. http://www.ncbi.nlm.nih.gov/pubmed/16443037?tool=bestpractice.com

Ağırlaşmış mövsümi qrip: viruslu pnevmoniya

Mövsümi qrip üzrə yüksək risk qrupunda hesab edilən xəstələrdə aşağı tənəffüs yollarının viruslu pnevmoniyasından ibarət ağırlaşma baş verə bilər. Bu zaman daha intensiv dəstəkləyici terapiya və ya hospitalizasiya tələb oluna bilər.

Ağırlaşmış mövsümi qrip: bakterial pnevmoniya

Xəstədə respirator xəstəliyin ilkin yaxşılaşması, daha sonra isə hərarət və öskürəyin qayıtması və produktiv olması mövsümi qrip infeksiyasının ağırlaşması olan bakterial pnevmoniyanın göstəricisi ola bilər. Bu zaman daha intensiv dəstəkləyici terapiya, müvafiq antibiotik terapiyası və/və ya hospitalizasiya tələb oluna bilər.