ურგენტული საკითხები
იხ. დიფერენციული დიაგნოზები დამატებითი დეტალებისთვის
თავის ტკივილის მქონე პაციენტთა დაახლოებით 6%-10%-ს აქვს სერიოზული პათოლოგია.[9][10] ქვემოთჩამოთვლილი მდგომარეობები წარმოადგენს კონკრეტულ პრობლემებს და სასწრაფო საჭიროებს ჩარევას.
მენინგიტი
პაციენტები მოდიან ცხელებით, თავის ტკივილით, კისრის გაშეშებით.
პაციენტს შეიძლება განუვითარდეს მენინგოკოკური სეფსისი, რომელიც გამოვლინდება ჰიპოტენზიით, შეცვლილი მენტალური სტატუსით და პურპურული ან პეტექიური გამონაყარით.
პაციენტს უნდა გაუკეთდეს ლუმბური პუნქცია (LP) საავადმყოფოში მისვლიდან 1 საათის განმავლობაში, იმ პირობით, რომ ეს უსაფრთხოა, და დაუყოვნებლივ დაიწყოს ანტიბიოტიკოთერაპია.[11][12] თუ არსებობს დიდი ეჭვი, ანტიბიოტიკები უნდა დაინიშნოს ემპირიულად LP-მდე.
თუ LP გადაიდო CT-სთვის, უნდა მოხდეს სისხლის კულტივირება და ფართო სპექტრის ანტიბიოტიკების მიცემა CT-მდე..[11]
ეპიდურალური ჰემატომა
თავის ბლაგვი ტრავმის ანამნეზი თხემ-საფეთქლის არეში
სასწრაფო კომპიუტერული ტომოგრაფია.
სუბდურალური სისხლჩაქცევა
ანამნეზში ალკოჰოლის ჭარბი მოხმარება, კოაგულოპათია, ტრავმა
სასწრაფო კომპიუტერული ტომოგრაფია.
სუბარაქნოიდული სისხლჩაქცევა (SAH)
უეცარი დასაწყისი, ცხოვრებაში ყველაზე ძლიერი თავის ტკივილი.
სასწრაფო კომპიუტერული ტომოგრაფია.[13]
შეიძლება გამოვლინდეს "ჭექა-ქუხილის" თავის ტკივილი (მძიმე ფორმის თავის ტკივილის უეცარი დაწყება) ან "სენტილური" თავის ტკივილი (მსუბუქი თავის ტკივილი, რომელიც წინ უსწრებს მძიმეს, ნანახია 10%-დან 43%-მდე).[14][15]
ოტავას სუბარაქნოიდული ჰემორაგიის წესის გამოყენებამ შეიძლება შეამციროს გამოუვლინებელი SAH-ის ინციდენტობა(და გადაუდებელი CT-ს საჭიროება) ≥15 წელზე უფროსი ასაკის პაციენტებში ნორმალური ნევროლოგიური გამოკვლევით და სიმპტომების დაწყებიდან 1 საათის განმავლობაში პიკური სიმძიმის თავის ტკივილით.[13][14][16]
გამოვლინების საშუალო ასაკი დაახლოებით 55 წელია; SAH უფრო ხშირია ქალებში, ვიდრე მამაკაცებში.[17][18]
ჰიპერტენზიული ენცეფალოპათია
მომატებული სისხლის წნევა, სისხლის საშუალო არტერიული წნევა >150- 200 მმ. ვწყ. სვ.
სასწრაფო კომპიუტერული ტომოგრაფია.
BP სწრაფად უნდა შემცირდეს 20%-დან 25%-მდე (ლაბეტალოლი, ნიკარდიპინი)
ეკლამფსია/პრეეკლამფსია
მომატებული სისხლის წნევა ორსულებში ან მშობიარე პაციენტებში
შეიძლება აღენიშნებოდეს პროტეინურია, ტერფების შეშუპება და გულყრები
მეან-გინეკოლოგის კონსულტაცია BP-ის უსაფრთხო შემცირებისა და ორსულობის გადაუდებელი მართვისთვის
გიგანტურუჯრედვანი არტერიტი
პაციენტის ასაკი >50 წელზე ახალდ გამოვლენილი მძიმე ფორმის თავის ტკივილით
მოწმდება ერითროციტების დალექვის სიჩქარე
თუ დიაგნოზი საეჭვოა საჭიროა დაუყოვნებელი კორტიკოსტეროიდებით მკურნალობა სიბრმავის პრვენციის მიზნით
მწვავე დახურულკუთხიანი გლაუკომა
თავის ტკივილი ხანდაზმულ ადამიანებში (ასაკი>50 წელზე)
დაქვეითებული მხედველობის სიმახვილე, გულისრევა/ღებინება, თვალის ტკივილი, საშუალოდ დილატირებული ფიქსირებული გუგა
თვალშიდა წნევა უნდა შემცირდეს (პილოკარპინი, თიმოლოლი ან აცეტაზოლამიდი)
ოფთალმოლოგის კონსულტაცია
ინტრაკრანიული წნევის მომატება
მკურნალობის გარეშე მან შეიძლება გამოიწვიოს მხედველობის მუდმივი დაკარგვა, მუდმივი ნევროლოგიური დეფიციტი და სიკვდილი.
უწვეტი ძიერი თავის ტკივილი. შეიძლება ძლიერდებოდეს ხველით, დაძაბულობით ან მოხრით. პაციენტების ერთ მესამედში თავის ტკივილი უარესია გაღვიძებისას.[19]
პაციენტებს ასევე აღენიშნებათ ვიზუალური სიმპტომები, მათ შორის ბუნდოვანი ან გაორებული ხედვა და მხედველობის ტრანზიტორული დაკარგვა.
დაათვალიერეთ თვალის ფსკერი მხედველობის ნერვის დისკის შეშუპების ნიშნებზე.
მოცულობითი წარმონაქმნის იდენტიფიცირების მიზნით სასწრაფო ნევროლოგიური გამოსახულებითი კვლევის შემდეგ ლუმბალური პუნქციის გაკეთება უსაფრთხოა.
ამ მასალის გამოყენება ექვემდებარება ჩვენს განცხადებას