Videos

ოროფარინგული სასუნთქი მილი: ანიმაციური გზამკვლევი

როგორ განვსაზღვროთ ზომა და ჩავდგათ ოროფარინგეალური სასუნთქი გზები.

საჭირო ხელსაწყოები

  • პირადი დაცვის საშუალებები, მათ შორის ხელთათმანები

  • ამბუ

  • ჟანგბადი

  • ტომარა, რომელიც მიმაგრებულია ამბუზე

  • ამოქაჩვა

  • ოროფარინგული სასუნთქი მილი

  • ნაზოფარინგული მილი (საჭიროებისამებრ გამოსაყენებლად)

  • რეანიმაციისთვის საჭირო ინსტრუმენტები.

უკუჩვენებები

სასუნთქი გზების დამხმარე ხელსაწყოების უკუჩვენებები არ არის ბევრი, თუმცა, ოროფარინგული მილი უკუნაჩვენებია გონზე მყოფ პაციენტში, რადგან შესაძლებელია ღებინებისა და ლარინგოსპაზმის გამოწვევა. ასევე არ უნდა გამოიყენოთ უცხო სხეულით პირის ღრუს ობსტრუქციის დროს, რადგან ოროფარინგული მილი კიდევ უფრო ღრმად ჩაიტანს უცხო სხეულს.

ზემო სასუნთქი გზების სრული ობსტრუქცია ამბუთი ვენტილაციის აბსოლუტური უკუჩვენებაა.

ჩვენებები

  • სუნთქვის უკმარისობა

  • წარუმატებელი ინტუბაცია.

ოროფრანგული მილი, რომელსაც Guedel-ის მილიც ეწოდება, შეიძლება გამოიყენოთ სასუნთქი გზების გამავლობის შესანარჩუნებლად რეანიმაციის დროს. ოროფარინგული მილი გეხმარებათ სასუნთქი გზის გამავლობის შენარჩუნებაში, რადგან რბილ ქსოვილებს არ აძლევს ლარინქსის ობსტრუქციის საშუალებას. ჩადგმის შემდეგ, მილი ყველაზე ეფექტურია თავის გადაწევისა და ნიკაპის გამოწევის მანევრებთან კომბინაციაში.

გართულებები

  • პირღებინება

  • ასპირაცია.

შემდგომი მოვლა

ოროფარინგული მილის ჩადგმის შემდეგ შეიძლება საჭირო გახდეს სანაცია.

შეხედეთ, მოუსმინეთ და შეამოწმეთ სასუნთქი გზების გამტარობა და ვენტილაციის ადეკვატურობა. შეიძლება საჭირო იყოს სასუნთქი გზების მარტივი მანევრების შესრულება.

გამავალი ოროფარინგული მილი ფილტვის ოქსიგენაციისა და ვენტილაციის საშუალებას იძლევა ჯიბის ნიღბით ვენტილაციის ან სარქვლიანი ნიღბით ვენტილაციის დახმარებით.

განაგრძეთ რეანიმაცია ABCDE პრინციპებითა და გაიდლაინებით.

თუ პაციენტს კვლავ დასჭირდება რეანიმაცია, ჩაანაცვლეთ ნაზოფარინგული მილი და ნიღბით ვენტილაცია უფრო დეფინიციური სასუნთქი გზით და ვენტილაციით. კომპლექსური სასუნთქი გზის ხელსაწყო საშუალებას აძლევს გულმკერდის კომპრესიას განხორციელდეს მუდმივად ვენტილაციის დროს, შეჩერების გარეშე. სპონტანური ცირკულაციის დაბრუნების შემთხვევაში პაციენტების უმეტესობა კვლავ კომაშია და საჭიროებს ტრაქეის ინტუბირებას და მექანიკურ ვენტილაციას.[76]​